JOSHUA 22:31 - PATHIAN LEKHABU THIANGTHO (BSI)

³¹ Eleazar chapa thiampu Phinehas in, Reubente, Gadte leh Manassehte kiang ah chun, “Tu’ni hin zia thu hin Lalpa chung ah thil phalo bawl ah a la bawlkhial lo la hiziak un, I lak un Lalpa a um tak zet hi ti ka hiau; tu’hin, Lalpa lungnatna khut ah kipat in Israelte chu la hukdok tau ahi,” a ti tai.

JOSHUA 22:31 ပူးပေါင်းရင်းမြစ်များ

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

EZRA 7:5

Abishua chapa, Pinehas chapa, Eleazar chapa, thiampu lal Aron chapa;

SAM 68:17

Pathian kângtalai chu a sîng ah sîng, a sâng ah sâng ah tam ahi; Lalpa chu Sinai tâng ah kipat in, a mun thiangtho in a hung hi.

PAWTDAWNA THU 25:8

A lak ua ka chênden theina dingin mun thiangtho pakhat ei bawl piak uh hen.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ZEKARIAH 8:23

Sepai honte Lalpa chun zia gual hin a gen hi: Ziaphat chuleh, chitin leh pautin ah kipat pawsal sawmkhat jel in Judah mi pakhat a puanchual ah man in, “Hun zui ing kau, Pathian in a hun umpi hi ti ka he ngal un hun ti ta’n au,” ti hi.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

1 KORINTH 14:25

A lunggil ah thugûkte chu suklat ahi’phat leh, bokkhup in Pathian bia’n tin, “Pathian la lak un a um ngei hi,” ti’n puangjak ta’n a.

JOSHUA 22:30

Thiampu Phinehas leh a kiang ah um, mipite puitu, Israel Inkuan tin lak ah upate chun Reubente, Gadte leh Manasseh phung ah mite thugen chu a het phat un a lungkim ta ma mau a.

JOSHUA 22:32

Tichun, Eleazar chapa thiampu Phinehas leh puitute chu, Reuben leh Gad suante kiang ah kipat in Kanaan gam ah Gilead gam, Israelte kiang lam in a kile’kit ua, thu chu a vatut kit tau a.

JOSHUA 3:10

Joshua chun, “Zia gual ah hin Pathian hing chu la lak ua um ngei a hinai ti hethei in lau; matheilo in la masang un Kanaan mite, Hit mite, Hiv mite, Periz mite, Girgash mite, Amor mite leh Jebus mite chu nawdaw piak intin;