JOSHUA 22:29 - PATHIAN LEKHABU THIANGTHO (BSI)

²⁹ Lalpa chung ah hel ah, Lalpa kiheimangsan ah, Lalpa ka Pathian uh mâichâm a biakbûk ah um tilo ngâl hâlmang thillatna ding leh, thâi thillatna ding a hem leh kithoina ding ah mâichâm dang siam gua ka hilo hial ui,” ti’n a dawnhu tau a.

JOSHUA 22:29 ပူးပေါင်းရင်းမြစ်များ

THILSIAM THU 44:17

Ahi’n, ama chun, “Zia gual chun bawl lo hial ing ka! A khut ah no ka mudawna pa bep hi ka suak in um intin, nanghaw vang thamuang tak in la pau kiang in chia kit tau in,” a ti tai.

THILSIAM THU 44:7

Amau chun a kiang in, “He pu, bangtidan ah zia gual thute hi gen la hem? La suakte hin zia gual thil chu ka bawl lo ding dan mai uh chu!

1 LENGTE 21:3

Himaleh, Naboth in Ahab kiang in, “Ka pu leh pate go ei nutsiau hi nang ka hun piak ding chu Lalpa‘n a phal puai,” a tia.

2 LENGTE 18:22

Himaleh, nang chun, ‘Pathian chung ah kinga ka hi’n, Hezekiah in thoimual leh mâichâm a suksiat hilo a hem, Jerusalem leh Judate kiang in, Jerusalem ah, zia mâichâm ah hin la bokkhup ding ahi,’ lei ti khumsa hilo a hem?

2 KHANGTHU 32:12

A thoimualte leh a mâichâmte suchim ah, Judah mipite leh Jerusalem khua mite kiangah, ‘mâichâm pakhat bep ah Pathian la ho ua, zia mun bep ah chu kithoina la lat diu ahi,’ ti ah thupia kha zia Hezekiah ma ma hi hilo a hem?

ROMTE 3:6

Himaijen lo e! Chutileh, bangti’n zia khawvel chung thu hi Pathian in vai a hawm ta diam?

ROMTE 6:2

Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 9:14

Aleh, bang I gen ta diam uh le? Pathian ah chun diklona a um ah ahi diam? Hilo e.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

JOSHUA 22:23

Lalpa ka kiheimang sanna ding ua zia mâichâm hi bawl ka hiu ah, hâlmang thillatna ding leh, thâi thil latna ding a hem leh kichamna thil latna ding a hem ah ka bawl uh ahi ngei ngei chun, Lalpa ma man ei thuk mai ta hen!

JOSHUA 22:26

Ziaziakchun, ‘mâichâm khat siam hitiu, hâlmang thillatna ding leh kithoina ding vang hilo in;

JOSHUA 22:28

Tu’nung leh kei uh kiang a hem, ka suanteu kiang a hem ah zia gual thu chu a hun gen phat ua leh, kei un, ‘I pu leh pateu in Lalpa mâichâm gual a la bawl uh, hâlmang thillatna ding leh kithoina ding hilo ah, nang uh leh kei uh kikâl ah hiatpitu ding ah kibawl hi en tau inla,’ ka titheina ding ua ka bawl uh ahi.

JOSHUA 22:30

Thiampu Phinehas leh a kiang ah um, mipite puitu, Israel Inkuan tin lak ah upate chun Reubente, Gadte leh Manasseh phung ah mite thugen chu a het phat un a lungkim ta ma mau a.

JOSHUA 24:16

Ziaphatchun, mipite’n, “Lalpa taisan ah pathian dang na sêm lo hial ing kau;

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.