JOSHUA 22:27 - PATHIAN LEKHABU THIANGTHO (BSI)

²⁷ kei uh leh nang uh, I nung ua I suanteu kikâl ah kei unle Lalpa kiang ah hâlmang thillat leh, kichamna thillatte a la bawl sek ka hiu, ti a het ua, tu’nung leh la suanteu in ka suanteu kiang ah, Nang hawn Lalpa ah chanvo la nei puau, a tilo’na ding un hiatpitu hi dingin mâichâm bawl hitiu,’ ka tiu ah ka bawl uh ahi.

JOSHUA 22:27 ပူးပေါင်းရင်းမြစ်များ

THILSIAM THU 31:48

Laban chun, “Zia suang tian khawm hi tu’ni keima tawh nangma kikâl ah hiatpitu ahi,” a tia. Ziaziakchun, a mun min in, Galeed sak den ahi tai.

THILSIAM THU 31:52

Thil phalo kibawl piak tua lo dingin, keima zia suang kitiang khawm khêl ah hin la kiang lam ah hung pua’ng ka tin; nang le zia suang kitiang khawm leh zia suang kiphu khêl ah hin ka kiang lam ah hung kin la, zia suang kitiang khawm hi ei hiatpitu hihen la, zia suangphu hile ei hiatpitu hi hen.

SAM 16:5

Lalpa chu ka chantum doichuam leh ka no ahi’n; ka vâng chu la khut ah um ahi.

ISAI 19:19

Zia ni phat chuleh, Aigupta gam lailung ah chun, Lalpa â ding ah mâichâm khat hung kidin intin; chuleh, a gamgi bul ah chun Lalpa min in khuam pakhat hung kiphut in a.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

JOSHUA 22:10

Kanaan gam ah Jordan lui kiang ah Geliloth mun a hung tun phat un, Reubente, Gadte leh Manasseh phung kimkhatte chun Jordan lui gei ah chun mâichâm lianpi a bawl tau a.

JOSHUA 22:26

Ziaziakchun, ‘mâichâm khat siam hitiu, hâlmang thillatna ding leh kithoina ding vang hilo in;

JOSHUA 22:28

Tu’nung leh kei uh kiang a hem, ka suanteu kiang a hem ah zia gual thu chu a hun gen phat ua leh, kei un, ‘I pu leh pateu in Lalpa mâichâm gual a la bawl uh, hâlmang thillatna ding leh kithoina ding hilo ah, nang uh leh kei uh kikâl ah hiatpitu ding ah kibawl hi en tau inla,’ ka titheina ding ua ka bawl uh ahi.

JOSHUA 22:34

Chuleh, Reuben leh Gad suante chun, zia mâichâm chu, Ed a sak un. Amau in, “Lalpa chu Pathian a hi ngei hi, ti I kikâl un hiatpitu ding ahi,” a ti ziak uh ahi.

JOSHUA 24:27

Joshua’n mipi zosia het in: “En un, zia suang hi ei haw kikâl ah hiatpitu ding chu ahi; Lalpa‘n I kiang ua a thugen zosia I he suak ngâl un; ziaziakchun, diklo tak ah la Pathian chung ah thil la bawl uh chun, zia suang hi eihaw ei kãl ding ah hiatpitu hiding ahi,” ti’n a gen a.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.