JOSHUA 22:22 - PATHIAN LEKHABU THIANGTHO (BSI)

²² “Lalpa, pathiante Pathian! Lalpa, pathiante Pathian! Ama’n a henai; Israelte’n le he tau hen! Lalpa kihei mangsan gua ah a chung ah ka hel ziak ua, zia mâichâm hi bawl ka hiu chun, tu’ni ma ma hin ei that gam ziang unla,

JOSHUA 22:22 ပူးပေါင်းရင်းမြစ်များ

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

JOB LEKHABU 10:7

phatlona nei lo ka hi dan la he ngâl in, la khut ah pat ei ladok ding mi, pakhatle umlo hi’ngâl in?

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

JOB LEKHABU 31:22

zia gual chu ka la hi ngei ngei chun, ka dâk pêk hi ka liangko ah kipat in ketha mai hen la, ka khutbân hile tongtha mai hen.

SAM 136:2

Aw pathiante Pathian kiangah chun kipak thu gen un; a ngilneina chu kumkhua’n um ding ahi ngal a.

SAM 37:6

La dik zia chu vâk gual in hun latsak intin, la thiamchan zia le sûn lai gual in hun tâk lang in a.

SAM 40:9

Aw Lalpa, mipi kikhopna chun, la hukdawna thupha chu ka gen jak ta’n; ngaitia, ka mûk hin kisûm lo ah, gen ding ahi ti la he ta ngal a.

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

SAM 44:22

Nangma ziakin nitum ah tha in ka um zing un, belam thalup ding gual ah ngai ka hiu.

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

SAM 82:1

Pathiante vaihawmna mun ah chun, Pathian in ma a pui in; pathiante lak ah chun ama’n vai a hawm hi.

SAM 95:3

Lalpa chu Pathian lopi tak ahi’n, pathian zosia chung ah leng lopi tak ahi ngal a.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

DANIAL 2:47

Lengpa chun Danial kiang in, “La Pathian chu pathiante zosia Pathian leh, leng zosiate chung ah Lalpa leh thugûk zosia taklangpa chu ahi ngut ngei hi, nang in zia thugûk chu la hun tâklang thei ta mai in!” a tia.

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

NASEPTE 1:24

Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,

NASEPTE 25:11

Thil hi’khial tak tak ka hi ah, thina ding hial ah gitlona nei ka hi chun thi le ka nial puai; himaleh, tu’ ei hêknau haw ah hin ka thiam lona bangma a mu puau ah, ziaziakchun, kuama’n amau khut in ei pia thei pua’n au. Lengpa kiang tung zaw ding ka hi,” a tia.

2 KORINTH 11:11

Bang ziak a hem? Ka hepi lo ziak a hem? Pathian in ka hun hepi zia chu a hia’i.

2 KORINTH 11:31

Lalpa Jesu Pathian leh Pa, (kumtuang in ama chu pâk in um zing hen!,) ama ah chun zuau ka gen puai.

2 KORINTH 5:11

Chutichun, Lalpa launa châng hia’n, mihingte chu ka jawl sek un, Pathian het in ka um un, nang unle lei hetchian uh ka kinem ui.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

JOSHUA 22:21

Ziaphatchun, Reubente, Gadte leh Manasseh phung a kimkhatte chun Israel nam lak ah upate chu zia gual hin a dawnhu tau a:

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 15:23

Helna hi âisânna sual sâng in a nêp zaw pua’n, lochalna hi bawlsualna leh, milim ho’na tawh kibang ahi. Lalpa thu la pâm pai ziakin, ama’nle la leng hi’na kipat, a hun paitha tai tin,” a gen hi.

1 SAMUEL 2:3

Kisathei tak in pau ta kiu inla, la kam ua kipat êngpauna him him pawt ta ki’hen; Lalpa chu hetna Pathian ahi ngâlah, ama chun I thilbawl dan zosiau a te’tuak sek hi.