JOSHUA 22:18 - PATHIAN LEKHABU THIANGTHO (BSI)

¹⁸ tu’ni hin Lalpa kiheimangsan gaw nalai la hiu maw! Tu’ni hin Lalpa chung ah la hel uh chun, jing leh Israel mipi zosia chung in a lungna ngei ngei ding ahi.

JOSHUA 22:18 ပူးပေါင်းရင်းမြစ်များ

2 SAMUEL 24:1

Israelte chung in Lalpa lungnatna a hung puangjak kit in, a jakda lam tak bawl dingin David a chokphûl ah, ama chun, “Chia in la, Israel leh Judai gam ah mipi hi vasim in,” ti’n a sawl a.

1 LENGTE 9:6

Nang hi’n, la chate hi taleu, ei zui zing lo ah la pêtmang ua, la ma-âng ua ka koi, ka thupiakte leh ka thugelte la vop lo ua, pathian dangte kiang ah chia ah la ho ua leh vang,

2 LENGTE 17:21

Israelte chu David Inkuan ah pat hisiat ahi’phat un, Nebat chapa Jeroboam leng dingin a hun tungdok ua; tichun, Jeroboam chun Israelte chu Lalpa zui lo dingin a naw ah, gitlona huaisia tak in a kipe tau hi.

1 KHANGTHU 21:1

Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

1 KHANGTHU 21:14

Tichun, Israelte lak ah Lalpa‘n natpi a hun tunsak ta’n; Israelte lak ah mi sîng sagi a thi tau hi.

2 KHANGTHU 25:27

Amaziah in Lalpa a kiheisan ah kipat in Jerusalem khua chun ama a gûk ah thalup gaw pawl a hung um tau a; tichun, Lakhish lam in a jam mang tai. Himaleh, Lakhish lam ah ama delzui ding a kisawl un, zia tak ah chun a vathat tau hi.

2 KHANGTHU 34:33

Josiah chun, Israelte gam sung zosia ah kipat chun thil ki’dak um zosia chu a chomdok thiang suak ta’n; chuleh, Israel gam sung ah mi zosia chu, Lalpa a Pathian bep uh a ho sak tai. Ama dam sung sia chu, a pu leh pateu Lalpa Pathian chu a kiheisan ta puau hi.

THIAMPUTE LEKHABU 10:6

Chun, Mosi’n Aron tawh a chapa Eleazar tawh Ithamar kiang in, “La luchang uh hawkdok kiu inla, la puanteu le bawt thêk diak kiu in; achutiloleh, thi kha’n lau: Ahiloleh, mipite chung in Pathian lungnatna hung tung kha’n ah; ahi’n, la chipi Israelte zosia chun Lalpa‘n mei ah a hun hallup hi sûn thei in au.

KISIMNA LEKHABU 16:22

Ziaphatchun, a maichang ua leitual si hial ah bokkhup ah pauchap in: “Aw Pathian, taksaphe leh vo nei zosiate hinna Pathian, mi pakhat gitlona ziakin mipi zosia chung ah lungna ziang ding la hi em?” a tiu a.

KISIMNA LEKHABU 32:15

Ama la kiheimangsan uh leh, zia mipite hi gamthip ah nusia in tin; zia mipite zosia hi sumangthai ding la hiu,” ti in.

DAN LEKHABU 7:4

achutiloleh, la chateu chu pathian dang ho ding ah pui kawi ah um in, ei nusia kha’n lau. Ziaphat chuleh, Lalpa chu la chung un lungna’n tin, kin tak in hun hi’mangthai ziang kha’n ah.

JOSHUA 22:15

Gilead gam ah Reubente, Gadte leh Manasseh phung kimkhatte kiang a hung tun phat un, a kiang un,

JOSHUA 22:16

“Lalpa mipite zosia chun, Lalpa, Israelte Pathian kiheimangsan ah bang ding ah mâichâm chuam kisiam ah, tu’ni hin, zia gual ah thil phalo tak hi bawl la hiu em?

JOSHUA 22:20

Zerah chapa Akan in thilbuak ah a ginna a la suksiat tâk ziak in, Israel mipi zosia chung ah lungnatna hung tung hilo a hem? Ama’n thil a la bawlkhial ziak in, ama bep in a thuak pua kha lam,” ti’n a vagen tau a.

JOSHUA 7:1

Himaleh, Israel chate’n hânsia lawkhumsa thilte ziakin a ginnau a la susia kha tau ah: Judah phung ah mi, Zerah chapa Zabdi chapa Karmi chapa Akan in hânsia lawkhum sate lak ah kipat bang a hem jat a la kilâkdaw ta’n; tichun, Israelte chung ah Lalpa a lungna ta’i.

JOSHUA 7:11

Israelte’n thil a hi’khial tau ah; ka thuthung vop phat ding ka ti chung in a talêk ua; thilpiak khen khat a kilak ua, a guu ah, lepchia tak in a tawi un, amau thil neisate lak in a koikhawm tau hi.

JOSHUA 7:21

Gâllâk thil ah Shinar puan hoi tak leh, dangka shekel za ni leh sana tum shekel sawmnga ah gik ka mu phât in, ka en lâ ta lua’, ka la lâk mai ahi. A leng in ka puanbûk sung ah, lei nuai ah ka sêlgu’n, dangka chu a nuainung pen ah ka koi ahi,” a tia.

1 SAMUEL 12:14

Lalpa chu lau ah, a na la sep ua, a thu ngai ah, Lalpa thupiakte chung ah la thukhel lo ua, nanghaw leh la chung ua leng vaihawmpa hin Lalpa la Pathian uh thu la zui phot uh chun, thilpha hi ding ahi;

1 SAMUEL 12:20

Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;