JOSHUA 21:43 - PATHIAN LEKHABU THIANGTHO (BSI)

⁴³ Chutichun, Lalpa‘n a suanteu kiang ah piak ding ah a la kipau tiamna gam zosia chu, Israelte Inkuan a pia ta’n; gam chu a luau ah, a chêngden tau hi.

JOSHUA 21:43 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 13:15

La muphâkna tiang tiang chu nang leh la suante’n kumtuang ah a lua ding un pia ding ka hi.

THILSIAM THU 28:4

La malzinna gam, Pathian in Abraham kiang ah a piak hi la lua theina dingin, nang leh la suante le Abraham maljawlna chu donsak ta hen,” a ti’n.

2 KHANGTHU 20:8

A sung ah chêng in, la min in mun thiangtho le a sung in a sa zo tau in, amau in,

NEHEMIAH 9:24

Tichun, a suan a pâkteu a lut un, a valua tau ah; a gam ah a la chêngsa Kanaan mite haw chu la tawden piak ah, a khut un la pedok ah, a nop dan dan ua a khoi thei ding un a lengteu leh a mipiteu chu la pedok tai.

NEHEMIAH 9:8

nang in a lungthim chu nang lam ah ginum lasak ziakin, zia Kanaan mite, Hit mite, Amor mite, Periz mite, Jebus mite leh Girgash mite gam hi a suante luasak ding ah piak la la tiam ta’n; chuleh, la diktat ziakin la thutiam chu la guitunsak hi.

SAM 105:8

A thuthung chu kumkhua’n a hezing hi, suan sang khat chan ah thu a la piak,

SAM 44:3

a chemjam ziak uh hilo in gam hi la zawsak a; amau bân thahât ziak bep ah kihukhing a hipuau hi; amau la doisakna ziakin la khut changlam leh, bân thahât leh la mêl vâk in a hizawi.

SAM 78:55

A ma-âng un namdangte a nawdok a, a gochan ding un gam a pia ta’n, Israel namte chu a puan In un a chên densak tai.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

JEREMIAH 32:23

tichun, a lut ua gam chu a lua tau hi. Himaleh, la thu mang lo in, la dan le zui talo in, a bawl ding ua la thupiak zosia chu a zui ta puau a. Ziaziakchun, zia gual ah siatnate hi a chung un la tunsak a hita hi.

KISIMNA LEKHABU 33:53

A gam uh la lâkpiak ua, la suandaw ding uh ahi; a gam uh chu nang uh â dingin ka hun peta ngâl a.

KISIMNA LEKHABU 34:2

Israelte chu thu pia’n la, chuleh, a kiang un: Kanaan gam chu la lût phat uh leh (la gamgi dungzui ah Kanaan gam la luana ding uh chu,)

DAN LEKHABU 11:31

Lalpa la Pathian un a hun piakna gam lua ding ah Jordan lui gâl kâi ah, la va luau ah, la chênden phat ua leh,

DAN LEKHABU 12:29

Lalpa la Pathian un’la suandaw ding ua a hun piak namte la mau ah a zaw piak phat ah, a gam ua lût ah a chêngte suandok ah la chên phat ua leh;

DAN LEKHABU 17:14

Lalpa la Pathian un a hun piakna ding gam chu la tun ua, la luau ah, la chên phat ua leh, “I kiangvel ua nam dangte zosia gual ah hin lal nei hitiu,” la ti phat ua leh,

DAN LEKHABU 34:4

Lalpa‘n a kiang in: “Zia gam hi ahi Abraham, Isak leh Jakob kiang ah, ‘La suanteu kiang ah ka piak ding ahi,’ ti ah ka kipau tiamna gam chu; a gam chu hun etsak ing ka tin, himaleh, zia tak chu gâlkâi lo ding la hi,” a tia.

JOSHUA 1:6

Hat tak leh hangsan tak in um in; a pu leh pateu kiang ah piak ding ah ka la tiamna gam hi, zia mipite gochan dingin hawm piak ding la hi’ngâl a.

JOSHUA 21:42

Zia khawpi zosia hin a kîmvêl un gancha tatna gam awngle a nei chiat un; khawpi zosia chu zia gual chiat chu a hiu a.

VAIHAWMTE 11:24

La pathian uh Khemosh in a hun piakna tiang tiang chu la lua mai ding hilo a hem? Chun, kei unle Lalpa, ka Pathian un kei uh â ding ah ei zaw piakna tiang tiang chu ka lua mai ding uh hilo a hem?

1 SAMUEL 12:8

Jakob kha Aigupta gam ah a chên lai khan, Aiguptate chun a la êngbawl tau ah; Ziaphatchun, la pu leh pateu khan Lalpa a ko un; tichun, la pu leh pateu kha Aigupta gam ah kipat a puidok ah, zia gam ah chênsak dingin Mosi leh Aron kha a la sawl tai.