JOSHUA 20:9 - PATHIAN LEKHABU THIANGTHO (BSI)

⁹ Zia khuate hi Israelte zosia leh a lak ua nam dang mi, a chêngdente lak ah kua’n le chanpal ah mi a thalup khâk ua leh a tai lut ua, mipite ma-âng ah vaihawm piak ahi masangsiau, thisan phuba la dingpa khut ah kipat a thi lona ding ah, a tai lut theina ding ah kiguatte chu ahi.

JOSHUA 20:9 ပူးပေါင်းရင်းမြစ်များ

KISIMNA LEKHABU 35:13

Khawpi pagukte chu nanghaw â ding ah bitna khawpi hiding ah la guat ding uh ahi;

KISIMNA LEKHABU 35:15

Zia khawpi pagukte hi Israelte â ding leh gam dang mi a chêngdente leh a châm mai mai nalaite â ding ah taichâkna khawpi hi’ntin; kuale chanpal ah mi that zosia tailûtna ding hi’n a.

JOSHUA 20:4

Mi that kha palte chu zia khawpite lak ah khat pen pen ah chun tai lut intin, khawpi kul kotkhak bul ah dingin, zia khua upate kiang ah chun a chanchin vatut intin; zia gual ah mi liangvai chu khawpi sung ah pui lût in, a lak un a chêndensak ding uh ahi.

JOSHUA 20:6

Mipi mai ah a chungchâng thutanna bawl ahi masangsia leh zia hun ah thiampu lianpen ah pang pen pen chu a thi masangsia’n, zia khawpi ah chun a chêng zing ding ahi; ziazaw chuleh, mi thatpa chu a In lam, a mi thalupna khua lam ah chun chia kit thei ta’n ah,’ ti’n gen in,” a tia.

JOSHUA 20:8

Chun, Jeriko sualam Jordan lui gâl lam ah chun Reuben phung ah mite, gam sung ah tângcham, gamthip mun ah Bezer khua a guat un; chuleh, Gad phung ah mite lak in Gilead gam ah Ramoth khua leh Manasseh phung ah mite lak in Bashan gam ah Golan khuate hi a guat tau hi.