JOSHUA 2:9 - PATHIAN LEKHABU THIANGTHO (BSI)

⁹ a kiang un: “Zia gam hi Lalpa‘n a hun piaksa ahi tai, nang uh kicha’n launa’n ka dim tau in, zia gam ah chêng zosia hi nang uh lau ah timaw gawp ka hitau hi ti ka hia’i;

JOSHUA 2:9 ပူးပေါင်းရင်းမြစ်များ

THILSIAM THU 35:5

Chutia, a chia pek lai ua chun, a kîmvêl ua khawpite chung ah chun Pathian launa a um ah; tichun, kuama’n Jakob chate chu a del ta puau a.

2 SAMUEL 17:10

Ziaphat chuleh, sakeibaknei gual ah hangsante nasan chu hung lungthuai ding a hiu; Israel mi zosia’n la pa gâlhat dan leh ama lam ah pang sepaite gâlhat dan a hiatsau ahi ngal in.

2 LENGTE 5:15

Ziaphatchun, Pathian mi kiang in ama leh a pawlte zosia chu a hung kile’kit ua; ama chu a ma-âng in a hung dingah, “Tu’hin, Israel ah tilo ngal lei chung zosia ah Pathian a um puai ti ka he tai; lungsiat tak in la suak ah kipat hin thilpiak pakhat ei pom piak in,” a tia.

2 LENGTE 7:6

Lalpa chun Aram sepaite chu kângtalaite leh sakolte tai git, chuleh sepai tam tak kijawt git a la hiatsak ah; tichun, a kiho ua, “Israel lengpa’n Hit mite lengpa tawh Aigupta lengpa ei do ding ah a chial hi’nah,” a kitiu a.

NEHEMIAH 6:16

Ka mêlmateu zosia’n zia thu chu a het phat un, ka kîmvêl ua namdangte zosia chu a lau ta ma mau ah; ka Pathian un ei panpi’na jal ah zia chu mualsua ka hiu ti ei het ziak un, a mai uh a mual chiat tai.

ESTHER 8:17

Lengpa thupiak tunna gambung tin leh khawpi tin ah chun, Judate â ding ah kipakna leh limna a um ziakin, luaithe’na leh awllênna’n a mang tau a. Zia mai chule hilo in, Judate a lau ziak un mi tam tak chu Juda mi ka hi ti’n a hung pang tau hi.

JOB LEKHABU 19:25

Ei Tanpa chu a hing zing hi ti ka he’i, ama chu ni tawp ni leh, lei chung ah hin hung ding di ahi’n,

SAM 112:10

Mi nunsiate’n zia chu a mu phât uh leh lungna’n, a hau gawi maleu bangmalo hi’ntin; migilote duthusam chule bangmalo hung suak ta’n a.

SAM 115:16

Vante khi Lalpa vante ahi hen, leilung hi vang mihingte kiang ah a piak ahi tai.

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

PAWTDAWNA THU 23:27

La âng un keima launa hun sawl ing ka tin, la tuak khak ding mi teu zosia chu hun subuai ing ka tin, la mêlmateu zosia chu hun jamsiat sak ding ka hi.

THUGENTU 8:12

Migilo in thil phalo za khat vei bawl hen la, a damsung nikhua hisau in um ziang leh le, Pathian lau mi, a ma-âng ah lau dan thiam tak ah um chu a pha zawi ti ka hia’i;

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 23:5

Khual thuthang chu Aigupta gam a tun phatin, Tura chung ah thil tung a het ziak un, thavai ma ma in au.

JEREMIAH 27:5

Ka thilhitheina nasa tak leh, ka khutbân jak in lei tawh a sung ah mihing hileh, sa chitinte hi ka la siam a; piak ding ah kilawm ka sakte kiang ah chun ka piak mai ahi.

NAHUM 2:10

Chomnâm ah um, nutsia ah um leh, suksiat dim dem ahi tai! Lungthim a basam in, khûp zosia a kithing tai; kawng zosia a kithing na zo ta’n, maisua zosia a ngûi zo tai!

KISIMNA LEKHABU 20:14

Kadesh mun ah kipat in Mosi chun Edom lengpa kiang in palai a sawl ah: “La suapipa Israel in zia gual hin a gen hi: Ka chung ua vangsiatna tung zosia kha nang inle la henai;

KISIMNA LEKHABU 20:24

“Aron thi hun a tung tai. Meribah mun ah ka thupiak la zui nop lo ziak un, Israelte luana ding ah ka piakna gam ah chun lût lo ding la hi’ngâl a.

MATTHAI 20:15

Kei â hive’n, ka nop dan dan ah ka bawl thiang hilo a hem? Ahiloleh, keima huangphal ziakin nang in mitthipna la nei ziang a hem? a tia.

DAN LEKHABU 11:25

Nang uh dâl thei ding kuama um pua’n tin; Lalpa la Pathian un a tiamsa gual ah khan, la chotnau gam tapo ah chun nangmau launa leh kichâkna koi in a.

DAN LEKHABU 2:25

Tu’ni hin, van nuai ah mi zosiate â ding ah tizat leh lau in hun siam ding ka hi; la chanchin a het phat phat ua leh, lau in kithing intiu in, nanghaw ziakin lungdong tak in um ta’n au,” a tia.

DAN LEKHABU 28:10

Lei chung ah mi zosia’n nanghaw, Lalpa min ah ko la hiu he in, hun lau ta’n au.

DAN LEKHABU 32:8

Chungnung pen Pa’n namte gam a hawm piak lai in, mihingte a khenjak lai in, mi tin chu a pathian uh tam dungzui un, a gamgi ding uh a guat piak a;

HEBRAITE 11:31

Ginna’n nawchizuaknu Rahab khan enthate kha thamuang tak ah a tunsak ziakin, a ginglote manthaina khan a mangthai khawm ta puai.

JOSHUA 2:11

Zia thute chu ka la het phat un, ka ngaituanateu chu a timaw gawp ngâl ta’n; nang uh ziakin hânsanna nei ka um ta puau ah. Lalpa la Pathian uh hi chung lam van leh nuai lam lei ah Pathian tak tak chu ahi ngâl a.

JOSHUA 2:24

Joshua kiang in, “Lalpa‘n a gam pumpi chu I khut un ei pia tak tak na ahi; zia bep chule hilo in, zia gam ah chêng zosia chu ei uh ei lau in I âng un a timaw zo tau hi,” a tiu a.

JOSHUA 2:8

Enthate ni a i-mut mau in Rahab chu Inchung lam in a hang kal to a,

JOSHUA 5:1

Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.

JOSHUA 6:2

Lalpa‘n Joshua kiang in: “En tiam in, Jeriko khawpi tawh a lengpau leh a sepai zosiau chu la khut ah ka piak a hitau.

JOSHUA 9:10

Jordan lui gâl lam ah Amorte Leng pani Heshbon gam ah Leng Sihon leh Bashan gam ah Leng, Ashtaroth khua chêng Og te ni chung ah la thilbawl zosia kha ka la he ta’ngâl un.

JOSHUA 9:24

Amau inle Joshua kiang in, “Lalpa la Pathian in, a suak Mosi kiang ah gam zosia hi la khut ah pia in, a gam ah chêng zosia hile la ma-âng ah sumangthai sik sek dingin thu a piai, ti thu la suakte hin ka la hiau ah; chutichun, nangmau ziak ah ka hinnau matsua ding ka lau ziak un, zia gual hin ka la bawl ta mai uh a hi.

JOSHUA 9:9

Amau chun a kiang in, “Lalpa la Pathian min ziakin, la suakte hi gamla tak ah kipat hung ka hiu; la minthan dan leh Aigupta gam ah la thilbawl zosia leh,

VAIHAWMTE 7:14

A lawipa chun, “Zia chu bangma dang ahi puai, Israel mi Joash chapa, Gideon chemjam ahi chu; Midiante leh asepaiteu zosia chu Pathian in amau khut ah a piakdaw a hita chu,” ti’n a dawnhu ta’n.