JOSHUA 2:5 - PATHIAN LEKHABU THIANGTHO (BSI)

⁵ Chuleh, thimbut, khawpi kul kotkhak kikhak ding kuanvêl ah khan a pawtdok tau hi. Khoilam a zawt uh le ka hepuai; del kin leu chin delpha mai thei lei veu,” ti’n a dawnhu a.

JOSHUA 2:5 ပူးပေါင်းရင်းမြစ်များ

NEHEMIAH 13:19

Sabbath ni a tun ding kuan ah nitâk khua a ngui ah kipat in, Jerusalem kotpite chu khâk ah, sabbath ni a bei masia hong kit talo dingin thu ka pia tai. Chuleh, sabbath ni kuama’n bangma a hun puaklut lona ding ah dâl dingin ka suakte lak ah khenkhat kul kotkhak vêng dingin ka koi a.

ISAI 60:11

La kul kotkhakteu kikhak man ta pua’n tin, a sun a jan in kikhak ta pua’n a; tichun, namtin in a hausaknau hun puak lut piak intiu in, a lengteu in ma’ hun pui in au.

JEREMIAH 50:20

Zia ni phat chuleh, Israelte thulimlo’na chu hawl intiu in; ahi’n la, mu zaw hita pua’n tin; Judah gitlona hawl maleu mu zaw hita pua’n ah, a um nalai sun ding ah ka hawite chu ngaidam ding ka hi tai, Lalpa‘n a tii.

EZEKIEL 47:12

A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

JOSHUA 2:4

Himaleh, numei chun a zinte chu pui in a sêlgu ta’n. Lengpa kiang in, “Mite chu ka kiang in a hung ui ti chu a dik hi; ahi’n, khoilam ah kipat hung a hiu ka hepuai.

JOSHUA 2:6

Ama chun la, zia mite chu a Inchung ah sameibawm kung a pho lak ah a sêl ahi ngâl a.

JOSHUA 2:7

Khawpi ah mite chun Jordan lui palmun tiang in a vadel tau ah. A del dingte pawtdok zaw phatin khawpi kul kotkhak chu a khâk tau a.

THUPUAN 21:25

Chuleh, jan a um tâklo ding ziakin, a kul kotkhakte chu kikhâk ta pua’n a.

1 SAMUEL 19:14

Saul in David man ding ah a mi sawlte a hung phat un Mikhal in, “A damlo ahi,” a la tia.