JOSHUA 18:28 - PATHIAN LEKHABU THIANGTHO (BSI)

²⁸ Zela, Haeleph, Jebus (zia chu Jerusalem ahi); Gibeah leh Kiriath-jearim, a leng ah khawpi sawm leh li, a khawpelteu chiat tawh a hiu a. Zia haw hi a Inkuan dungzui ua, Benjamin phung ah mite luana ding ah a chanvo uh chu ahi.

JOSHUA 18:28 ပူးပေါင်းရင်းမြစ်များ

2 SAMUEL 21:14

Saul gute leh a chapa Jonathan gute chu Benjamin gam ah Zela khua a pa Kish thân ah chun a vui tau a; lengpa thupiak zosia chu a bawl tau hi. Ziazaw chun, gam sung â ding ah dotnate chu Pathian in a ngaisak tai.

2 SAMUEL 23:29

Netophah mi Baanah chapa Heleb; Benjamin phung ah Gibeah khua Ribai chapa Ittai;

2 SAMUEL 5:6

David tawh a sepaite chu a gam ah a la chêngsa Jebus mite nawdok guan Jerusalem do dingin a kuandok tau a. David in zia khua chu zo ding ah amau in a la ginchâk lo ziak un, “Zia tak ah hin hung lut thei pua’n la, mitthûm leh kengbaite mai inle hun nang zo ding a hiu,” a la tiu a.

2 SAMUEL 5:8

Zia ni’ chun David in, “Jebuste that gam nuam taphot chun, David in a huat ma ma kengbai leh mitthûmte chu that dingin tuiluanna kuak lam ah chun chia to uh hen,” a tia. Ziaziakchun, “Mitthum leh kengbaite chu Tempul ah a lût lo diu ahi,” a ti sek ui.

1 KHANGTHU 8:28

Ziate haw hi a phunggui kisuina dungzui leh, a Inkuan dungzui ua hotu pen chiat a hiu a, amau hi Jerusalem khua’n a chêng chiat ui.

ISAI 10:29

chiangkot ah chiatheng in, Geba mun ah a jan giak un; Ramah lau in a kithing ta’n, Saul khua Gibeah a jamsia tai.

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

HOSEA 10:9

Aw Israel, Gibeah hun ah kipat khan la gilo tau in; zia kipat khan la gilo den tau hi. Gibeah ah chun kidona’n amau hun huam lo ding a hem?

KISIMNA LEKHABU 26:38

Benjamin suante chu: Bela, Ashbel, Ahiram,

KISIMNA LEKHABU 26:54

A mi tamte lian deu pia’n la, a mi tawmte neudeu pia’n; a min uh kikhum dungzui chiat in a gam lua ding uh pia’n.

KISIMNA LEKHABU 33:54

A gam chu a phung dungzui ah a chan ding uh, phunsân in hop piak inla; a tamte gam lian deu pia’n la, a tawmte gam neu deu pia’n; kua hileh, phunsânna a chukna mun chiat chu amau lua ding hi’ngâl hen; a Inkuante’n a pateu phung dungzui chiat un hop piak hiu hen.

JOSHUA 15:63

Himaleh, Judah phung ah mite chun Jerusalem khua chêng Jebus mite chu vang a nawdok suak puau; ziaziakchun, tu’ni tiang hin Jebus mite chu Judah mite lak ah Jerusalem khuan a chêng den tau hi.

JOSHUA 15:8

zia kipat chun Hinnom chapa guam, Jebushte kenliang gam simlam (zia chu, Jerusalem ahi) tiang in a kithung a; Rephaim phâiguam mallam ah Hinnom phâicham gâl, tumlam kâi ah tângvûm lam in a kithung pek a;

JOSHUA 18:16

chuleh, a suk lam ah kithung in, Rephaim phâicham mallam in, Hinnom chapa phâicham vak kigâl mu’na mual mong lam in a kithung suk pek ah; tichun, Jebushte kênliang mallam ah Hinnom phâicham lam a zuan suk ah, En-rogel lam in a chia suk pek a;

JOSHUA 18:27

Rekem, Irpeel, Taralah,

JOSHUA 19:1

A âisân niveina chu Simeon chung ah, a Inkuan dungzui ua Simeon phung ah mite chan dingin a hung kia’n; amau chanvo ding chu Judah phung ah mite chanvo lak in a hung pang ta’n.

VAIHAWMTE 1:21

Ahi’n la, Benjamin chate’n vang, Jerusalem ah chêng Jebus mite chu a nawdok puau ah; ziaziakchun, Jebus mite chu tu’ni tiang ah hin Benjamin suante tawh Jerusalem in a chêng khawm tau hi.

VAIHAWMTE 19:10

Himaleh, mipa chu zia jan chu a giak nuam ta pua’n; a kipan ah, a chia ngâl ta’n, Jebus (zia chu Jerusalem ahi) khua jawn chu a tung tau a. A sabiltung te’ni tawh, a thâikêmnu a kipui a.

1 SAMUEL 10:26

Saul chule Gibeah khua a In lam zuan in a chia kit ta’n, sepai hangsan khenkhat, Pathian in a lungthim a sukkhakte chun a zui tau a.