JOSHUA 18:16 - PATHIAN LEKHABU THIANGTHO (BSI)

¹⁶ chuleh, a suk lam ah kithung in, Rephaim phâicham mallam in, Hinnom chapa phâicham vak kigâl mu’na mual mong lam in a kithung suk pek ah; tichun, Jebushte kênliang mallam ah Hinnom phâicham lam a zuan suk ah, En-rogel lam in a chia suk pek a;

JOSHUA 18:16 ပူးပေါင်းရင်းမြစ်များ

2 SAMUEL 17:17

Khawpi sung ah a hung lut uh kuama’n a mu lona dingin, Jonathan leh Ahimaz chun En-rogel ah a la ngak zing ua; suak nungak pakhat in chanchin a hung hil sek ah, zia chu amau in lengpa David kiang ah a vahilsawn sek uh ahi’n.

2 SAMUEL 5:18

Philistinte chu a hung kuan un, Rephaim phâigam ah chun a hung kitiang tau hi.

1 LENGTE 1:9

Adonijah chun Belamte, bawngchalte, gan kivak thaute chu Zoheleth suang kiang in a that ah; zia chu En-rogel kiang ah um ahi’n; a suapite, leng chate zosia tawh leng nasem Judah phung ah mite chule zia chun a chial a;

2 LENGTE 23:10

Chuleh, Molekh ah a chapa a hem a chanu a hem, mei ah kithoina kuama’n a mat tâk lona ding un, Hinnom chate umna phâizang ah Topheth chu a vasubuak tai.

1 KHANGTHU 14:9

Philistinte chu hung kuan in, Rephaim phâijawl chu a hun sim tau hi.

2 KHANGTHU 28:3

Hinnom chapa Phâicham ah kithoinate bawl in, Israel mipite ma-âng ah a la um, Lalpa‘n a la nawdaw piak namte’n ki’dak um tak a la bawlteu chu bawl in, a chapate le a la lân tai.

2 KHANGTHU 33:6

Hinnom Chapa Phâijawl ah chun ama chapa ngei le mei lak ah kithoina’n a la chia thensak ah; chuleh, dawi bawl, mitvaidawi, âisân, thitha ho’na leh thitha tawh kijawlna haw le a hun bawl a. Lalpa mit mu ah thil phalo khawk tak tak leh a choklungna thei tak takte a hun bawl tai.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

JEREMIAH 19:11

a kiang un zia gual hin gen in: Sepai honte Lalpa chun zia gual hin a gen hi: Siamphat kit thei tâk lo ding ah lei bêl khet phel ahi gual in, zia mipite leh zia khawpi hi susia ding ka hi. Topheth mun ah chun mithi vuina ding mun awng talo ding khop in, mithi kivui ta’n au.

JEREMIAH 19:2

Hinnom chapa phâijawl lam, Bêlhal kotpi ah chun pawtdok inla, zia tak ah chun ka thu hun hilte hi va puangjak in.

JEREMIAH 19:6

Ziaziakchun, zia mun hi Topheth, Ahiloleh, Hinnom chapa phâijawl, kiti talo ah, “Kithana Phâijawl,” a kiti’na ding hun chu hung tung pai ding a hitai, Lalpa‘n a tii.

JEREMIAH 32:35

Hinnom chapa phâijawl ah chun, a chateu leh a chapateu Molekh kiang ah, mei ah lat ding ah a piakna ding un Baal thoimualte chu a tung ding tau a; zia chu ka thupiak le a hipua’n, ka lungthim ah le ka la gêl khâk lo, Judai gam ah mite thil phalo tak a la bawlsak guat ziak uh ahi.

JOSHUA 15:63

Himaleh, Judah phung ah mite chun Jerusalem khua chêng Jebus mite chu vang a nawdok suak puau; ziaziakchun, tu’ni tiang hin Jebus mite chu Judah mite lak ah Jerusalem khuan a chêng den tau hi.

JOSHUA 18:28

Zela, Haeleph, Jebus (zia chu Jerusalem ahi); Gibeah leh Kiriath-jearim, a leng ah khawpi sawm leh li, a khawpelteu chiat tawh a hiu a. Zia haw hi a Inkuan dungzui ua, Benjamin phung ah mite luana ding ah a chanvo uh chu ahi.

VAIHAWMTE 1:21

Ahi’n la, Benjamin chate’n vang, Jerusalem ah chêng Jebus mite chu a nawdok puau ah; ziaziakchun, Jebus mite chu tu’ni tiang ah hin Benjamin suante tawh Jerusalem in a chêng khawm tau hi.

VAIHAWMTE 1:8

Ziaphatchun, Judah suante’n Jerusalem a do un, a la tau ah. Chutichun, chemjam in a that gam un, a khawpi chu mei in a hâl tum tau hi.

VAIHAWMTE 19:10

Himaleh, mipa chu zia jan chu a giak nuam ta pua’n; a kipan ah, a chia ngâl ta’n, Jebus (zia chu Jerusalem ahi) khua jawn chu a tung tau a. A sabiltung te’ni tawh, a thâikêmnu a kipui a.