JOSHUA 18:10 - PATHIAN LEKHABU THIANGTHO (BSI)

¹⁰ chuleh, Joshua’n Shiloh ah Lalpa ma-âng ah âi a la sân piak ta’n; zia mun ah chun Joshua’n Israelte lak ah gam a hop piak chiat ta’n, phung tin â dingin gam a pechiat tai.

JOSHUA 18:10 ပူးပေါင်းရင်းမြစ်များ

1 KHANGTHU 24:5

A leng ua kibang tak ah chan a kihop theina ding un âi a sân un; mun thiangtho ah hotu ding leh Pathian Insung ah hotu dingte chu Eleazar suante leh Ithmar suante lak ah kipat in a lakhawm ui.

NEHEMIAH 11:1

Mipite lak ah hotute chu Jerusalem khua’n a chêng un; mipi dang cheng chu khawpi thiangtho Jerusalem ah chêng ding, amau sawmkhat jel lak ah kipat pakhat chiat têldawna dingin âi a sân un; a lak ua sawmkhat jel lak ah pakuate chu vang khawpineu dang haw ah chêng ding a tiu a.

SAM 47:4

Ama’n I golua ding uh ei têl piak in, a hepi Jakob in a la kisaktheipi gam chu.

SAM 61:5

Aw Pathian, nang in ka thutiamte la ngaitha’n; la min lau dan thiamte ka golua dingin lei pia ta ngal a.

THUPILTE 18:18

Âisân hin kinialna a hibei ah, mi thunei tak tak kinialte chu a gen tan sek hi.

JEREMIAH 7:12

Tu’hin, chiau inla, a lim tak ah ka min chênna Shilloh kha, ka mipi Israelte gitlona ziak ah bang law ka hita’m ti vaen un.

EZEKIEL 47:22

Nanghaw tawh gam dang mi, la lak ua chêngden ah cha leh naunei ta te kiang in gochan dingin la kihop diu ahi. Amau chu Israelte cha ma ma leh a gam ah piangte gual ah la pom diu ahi; amau le la lak un, Israel phung tin lak ah gam chanvo la guan piak diu ahi.

EZEKIEL 48:29

Gam pumpi chu Israel phung tin in go ah a lua ding ua, a chan ding chiat uh, a channa ding mun chiat uh, zia gual chun la hawm piak chiat ding ahi, Lalpa Pathian in a tii.

MIKAH 2:5

Ziaziakchun, Lalpa mite’n gam, kihopna ding ah khauhual kai ah, a hung kikhop phat uh leh, nangma khau hun kaipi ding, mihing khat le mu ta pua’n la.

KISIMNA LEKHABU 34:16

Lalpa chun Mosi kiang in zia gual hin a gen a:

MATTHAI 27:35

A khetden zaw phat un, a puante chu âisân in a kihawm un;

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

NASEPTE 13:19

Kanaan gam ah nam sagite a suksiat zaw nung in, a gam ding uh chu a kumkhaw go ding un a la pia ta’n;

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

KOLOSSA 1:12

vâk ah mithiangthote goluapi ding ah hun siampa, Pa kiang ngei ah chun kipak thu gen un.

JOSHUA 14:2

Lalpa‘n Mosi kiang ah thu a la piak gual in, nam pakua leh a kimkhatte kiang in âisân in gam chu a hawm piak a.

JOSHUA 14:5

Lalpa‘n Mosi kiang ah thu a la piak gual ah khan, Israelte’n le a bawl tau a; gam chu a kihawm zo tau hi.

JOSHUA 18:11

A Inkuan dungzui ua a chan hopna ding uh âisân chu Benjamin phungte â dingin chu a hung kia ta’n, amau channa ding gam chu, Judah phung leh Joseph phungte ni kikâl a hung hi tai.

JOSHUA 18:6

Gam chu mun sagi in hawm unla, la hopdan uh kichian tak ah zik in ei piau in; chuleh, zia mun ah hin nang uh â dingin Lalpa I Pathian uh âng ah âi a la sân piak ing ka.

JOSHUA 18:8

Tichun, zia mite chu a kuandok tau ah; gam chanchin zikdok ding ah chiate kiang in Joshua’n, “Gam chu vachuan suak unla, a chanchin kim tak ah zikdok in, ka kiang ah la hung kit diu ahi; ziaphat chuleh, keima’n Shiloh mun ah Lalpa ma-âng hin nanghaw â dingin âi a la sân piak ding ka hi,” ti’n thu a pia’n.

JOSHUA 18:9

Chutichun, mite chu a kipan un, gam chu a vachuan suak tau a; chuleh, a gam chu mun sagi ah hawm in, a khawpite chule a bân bân in a zikdok tau ah; Shiloh mun ah Joshua giabuk in a hung kit tau hi;

JOSHUA 19:51

Ziate chu thiampu Eleazar tawh, Nun chapa Joshua tawh, Israel Inkuan lak ah phung tin ah upa zosia’n Shiloh khua, Lalpa ma ah kikhopna biakbûk kotkhak bul ah, âisân ah a chanvo ding chiat uh a hoppiaknau chu ahi. Chutichun, gam pumpi chu a kihawm zo tau hi.

JOSHUA 23:4

Nam tam tak ka la nawdok piaksa ban ah, tu’ ah um nalaite hile, a gam uh Jordan lui ah kipat tumlam ah Tuipi Lian tiang huap hin, nang hawn la phung dungzui chiat ua la lua ding uh, la go chan ding ua ka hun hop piak la hitau hi.