JOSHUA 18:1 - PATHIAN LEKHABU THIANGTHO (BSI)

¹ Ziaphatchun, Israel mipi zosia chu Shiloh mun ah kikhawm un, kikhopna biakbûk a jak tau a. Gam pumpi amau thunuai in a hung um suak tai.

JOSHUA 18:1 ပူးပေါင်းရင်းမြစ်များ

2 SAMUEL 7:6

Aigupta gam ah kipat Israel mipite ka puidaw ah kipat, tu’ni tiang hin puanbûk leh biakbûk lak ngen in ka la chêng nalai in;

1 LENGTE 14:2

Jeroboam in a ji kiang in, “Kipan inla, ka hun don la hi, min Jeroboam ji la hi a hiatthei lona ding un kisiam lamdang inla, Shiloh ah vachia in. Ngaitia, zia mipite chung ah leng ka hi’ding ei la hil jawlnei Ahijah a um hi,” a tia.

1 LENGTE 14:4

Jeroboam ji chun zia gual chun a bawl ah; a kipandok ah, Shiloh ah a vachia ah, Ahijah In chu a vatung tai; himaleh, Ahijah chu a upat tâk ziakin a mit a thim ta’n a la muthei ta puai.

1 LENGTE 2:27

Tichun, Shiloh ah Eli Inkuan chungchâng ah Lalpa thugen a guitun theina dingin, Solomon in Abiathar chu Lalpa âng ah a thiampu hi’na a paitha tai.

NEHEMIAH 9:24

Tichun, a suan a pâkteu a lut un, a valua tau ah; a gam ah a la chêngsa Kanaan mite haw chu la tawden piak ah, a khut un la pedok ah, a nop dan dan ua a khoi thei ding un a lengteu leh a mipiteu chu la pedok tai.

SAM 78:60

Mihingte lak ah a chênna, puan In Shilloh ah um chu, a nusia ta’n;

SAM 78:66

A mêlmate chu a naw kit ah, kumkhua minsiatna a khuksak tai.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

JEREMIAH 26:9

Bang ding ah Lalpa min ah, “Zia In hi Shilloh gual hung hi’n tin, zia khawpi hile a sung ah chêng umlo ah a hawm ah nutsia hung um ding ahi, la ti a hem?” a tiu a. Tichun, Lalpa In ah Jeremiah chu mipite chun a hun ûm tau a.

JEREMIAH 41:5

Shekhem leh Shilloh leh Samaria ah kipat in, pawsal sawmgiat, a khamul uh mêtnâm ah, a puansilteu kêk diak duak pum in, amaule ki-âtliam nêt nût in, thâiga thillat ding tawh gimtuite chawi in, Lalpa tempul ah lân dingin a hung ua.

KISIMNA LEKHABU 32:22

a gam chu Lalpa‘n a zaw dim dem phat leh, maw chang lo in kile’kit ta’n lau; ziaphat chuleh, zia gam hi Lalpa ma ah nang uh lua ding hita’n a.

NASEPTE 7:45

Zia chu, Pathian in I suanpateu ma-âng ah kipat namdangte a la nawdok lai ah khan, Joshua tawh I suanpateu chun a hun lutpi tau a. David hun tiang ah khan zia chun a la um zing tai.

JOSHUA 18:2

Israelte lak ah gochan ding ah gam hop piak nailo phung sagi a um nalai un.

JOSHUA 18:8

Tichun, zia mite chu a kuandok tau ah; gam chanchin zikdok ding ah chiate kiang in Joshua’n, “Gam chu vachuan suak unla, a chanchin kim tak ah zikdok in, ka kiang ah la hung kit diu ahi; ziaphat chuleh, keima’n Shiloh mun ah Lalpa ma-âng hin nanghaw â dingin âi a la sân piak ding ka hi,” ti’n thu a pia’n.

JOSHUA 19:51

Ziate chu thiampu Eleazar tawh, Nun chapa Joshua tawh, Israel Inkuan lak ah phung tin ah upa zosia’n Shiloh khua, Lalpa ma ah kikhopna biakbûk kotkhak bul ah, âisân ah a chanvo ding chiat uh a hoppiaknau chu ahi. Chutichun, gam pumpi chu a kihawm zo tau hi.

JOSHUA 21:2

Kanaan gam ah Shiloh khua chun, a kiang un zia gual hin a hung gen tau a: “Lalpa‘n Mosi mang in ka umna ding uh khawpite leh a kîmvêl ah ka ganchateu tatna ding tawh lei piak ding un thu a la pia tai,” a tiu a.

JOSHUA 22:12

Israel mipi zosia’n zia thu chu a hun hiat suak phat un, Israel mipi zosia chu amau do ah kuan dingin Shiloh mun in a kikhawm tau hi.

JOSHUA 22:19

Ahi’n la, la luanau gam chu a thianglo ahi chun, Lalpa gam sung, Lalpa biakbûk umna lam ah hin hung gâl kâi unla, ka lak ua hin hung chêng zaw tau in; Lalpa I Pathian â ding hilo mâichâm dang siam in, Lalpa mitdo leh kei uh mitdo in vang um dâ ham un.

JOSHUA 22:9

Chutichun, Reuben, Gad leh Manasseh phung kimkhatte chu In lam in a chia kit tau a; Kanaan gam ah Shiloh khua Israelte kiang ah kipat in Gilead gam, Lalpa‘n Mosi mang ah thu a la piak gual in, amau chanvo ding mawng ah guatsa gam ah chia kit dingin a pawtdok tau hi.

VAIHAWMTE 18:31

Tichun, Shiloh khua Pathian biakbûk a um sungsia, amau inle Mikah milim siamte chu a kikoi tau hi.

VAIHAWMTE 21:12

Chun, Jabesh-gilead ah nungakthiang, pawsal tawh kipawl kha lo ngen za li a man ua, amau chu Kanaan gam ah um, Shiloh ah a kikulnau ah chun a hun pui tau a.

VAIHAWMTE 21:19

Tichun, amau in, “Ngai un, Bethel mallam, Bethel ah kipat Shekhem zotna lamlian ah kipat sualam kâi ah um, Lebonah simlam kâi ah Shiloh mun ah chun kumsin ah Lalpa kiang ah kût kibawl sek ei ve,” a tiu a.

1 SAMUEL 1:24

A nawichep hai phatin, nausen chu bawngchal pakhat, kum thumah upa tawh, changbuang ephah dim khat tawh uain thawl khat keng in a puito ta’n. Shilloh khua’ Lalpa In ah chun, naupang cha ahi lai in a pui tai.

1 SAMUEL 1:3

Zia Elkanah chu a khuau ah kipat in Shiloh khua chun, kum si’n leh sepai honte Lalpa kiang ah kithawi ah, ho dingin a vachia sek a. Zia tak ah chun Eli chate Hophni leh Phinehas chu Lalpa thiampu nasêm in a pang ui.