JOSHUA 17:16 - PATHIAN LEKHABU THIANGTHO (BSI)

¹⁶ Joseph suante chun, “Tânggam chu kei uh â dingin a hun tawk puai; phâicham ah Kanaan mite, Beth-shean leh a khawpel ah chêng zosia tawh, Jezreel phâijawl ah chêng zosia chun thîk kângtalai a nei nalai sêt un,” a tiu a.

JOSHUA 17:16 ပူးပေါင်းရင်းမြစ်များ

1 LENGTE 18:45

Chomlokâl in van chu sûmpi tawh thigua chun a suvom suak ta mai ah; gua nasa tak in a hung zu tai. Ahab chu a taidok ah, Jezreel ah a chia tai.

1 LENGTE 18:46

Himaleh, Lalpa chun Elijah a hun suhat ah; a kawng a gâkchak ah, Ahab tunma’n Jezreel khua lutna chan a la tai tung tai.

1 LENGTE 21:1

Zia nung ah chun zia gual hin a hung um a: Jezreel mi Naboth chun Jezreel ah, Israel Lengpa Ahab lal In kiang ah grep huan pakhat a nei a.

1 LENGTE 21:23

Chuleh, Jezebel chungchâng Lalpa‘n zia gual hin a gen hi: ‘Jezreel in a huapna sung ngei in uichate’n Jezebel hun ne ding a hiu,’ ti in.

1 LENGTE 4:12

Taanakh, Megiddo leh Beth-shean zosia, zia chu, Jezreel nuai ah Zarethan a um ahi’n, chuleh, Beth-shean ah kipat Abel-meholah, Jokmeam tiang ah chun Ahihud chapa Baana;

2 LENGTE 9:10

Jezebel chu Jezreel khua kûl kotbul in uichate’n a sa hun ne’n tiu in, kuama’n vui pua’n au,” ti’n a gen a. Tichun kotkhak chu a hongah a jam mang tai.

2 LENGTE 9:37

Jezebel luang chu Jezreel gam sung, loulai ah ek denchek tawhbang hung hi’ntin, tichun, kuamacha’n, zia hi Jezebel ahi ti hethei pua’n au,’ a la ti kha ahi,” a tia.

JEREMIAH 49:2

Ziaziakchun, Ammonte khawpi, Rabbah do-na ding ah pengkul ka mûtna ding hun chu, hung tung ngei ngei ding ahi; mualbawk nutsia ah um gual bep hi’ntin, a khawchate chule mei ah hâl tum hi’n a; ziaphat chuleh, Israelte’n amau suandokte chu, suandok kit ta’n au, Lalpa‘n a tii.

JOSHUA 15:56

Jezreel, Jokdeam, Zanoah,

JOSHUA 17:11

Issakhar leh Asher gam sung ah chun Manasseh in Beth-shean leh a khawpelte, Ibleam leh a khawpelte, Dor leh a khawpelte, Endor leh a khawpelte, Taanakh leh a khawpelte leh Megiddo leh a khawpel ah chêng zosia (a pathumna hi Naphtali ahi’n) a nei un.

JOSHUA 17:15

Joshua’n a kiang un, “Ephraim tânggam chu nanghaw â ding ah neu talua hial ah mipi tam la hi tâk uh chun, Perizte leh Rephaimte gam ah gammâng lak haw chu la umna ding uh vât thiang dingin kuan to tau in,” ti’n a dawnhu a.

JOSHUA 17:17

Ziaphatchun, Joshua’n Joseph Inkuan Ephraim leh Manasseh suante kiang ah chun, “Ahi, nang uh hi la tam tau a, hat le la hat ua; chanvo khat bep doikhop pua’n lau,

JOSHUA 17:18

tâng gam zosia hi nanghaw chan ding hihen; gammâng himaleh vât thiang in, a gamgi jul tiang un la lua diu ahi; Kanaan mite chu bang gual ah hat in, thîk kângtalaite nei ziang maleu le nawdok tho tho ding la hiu,” ti’n a dawnhu tai.

JOSHUA 19:18

A gam un a huam sung chu Jezreel, Kesuloth, Shunem,

VAIHAWMTE 1:19

Chun, Judah chu Lalpa‘n a umpi ah; chutichun, thingtâng gam ah chêngte chu a nawdok ta’n; himaleh, phâijang ah chêngte chu thik kângtalaite a nei ziak un, a nawdok zo puai.

VAIHAWMTE 4:13

Sisera inle a sakol kângtalai zosia thik kângtalai za kua chu tawh, a kiang ah sepai um zosia chu Harosheth-ha-goiim ah kipat in Kishon guam chan in a kuan tau a.

VAIHAWMTE 4:3

Ama chun thik sakol kângtalai za kua a nei ziakin, Israelte chu kum sawmni hial genthei tak in a taw den ta’n; ziaphatchun, Israelte Lalpa panpi’na don in a kiko tau hi.

VAIHAWMTE 6:33

Ziaphatchun, Midiante zosia leh Amalekte zosia leh Sualam gam ah mite zosia hung khawm in, Jordan lui hung gâl kâi in, Jezreel phâicham in a kikul tau a.

1 SAMUEL 29:1

Philistinte chun a sepaiteu zosia Aphek mun in a ko khawm un, Israelte chu Jezreel tuinâk mun in a kikul ua.