JOSHUA 17:11 - PATHIAN LEKHABU THIANGTHO (BSI)

¹¹ Issakhar leh Asher gam sung ah chun Manasseh in Beth-shean leh a khawpelte, Ibleam leh a khawpelte, Dor leh a khawpelte, Endor leh a khawpelte, Taanakh leh a khawpelte leh Megiddo leh a khawpel ah chêng zosia (a pathumna hi Naphtali ahi’n) a nei un.

JOSHUA 17:11 ပူးပေါင်းရင်းမြစ်များ

2 SAMUEL 21:12

David a kuan ah, Saul gute leh a chapa Jonathan gute, Philistinte’n Gilboah ah Saul a thalup niu ah Philistinte’n Beth-shan ah a khai nau ah kipat Jabesh-gilead mite’n a la gukdawu kha a vala khawm a.

1 LENGTE 9:15

Lengpa Solomon in nasêm ah mi a gawite chanchin chu zia gual hi ahi: Lalpa In leh ama In, Millo chuleh Jerusalem, Hazor, Megiddo, Gezer kulbângte sakna ding,

2 LENGTE 9:27

Judai gam ah Lengpa Ahazia in zia chu a mu phât in, Beth-haggan lam zuan in a jam a. Jehu chun a del zui ah, “Ama le kâp lum un!” a tia. Ibleam kiang ah Gur kaltona mun ah chun a kângtalai chung in a kap kha tau a. Tichun, Megiddo lam in a jam ta’n, zia chun a thi tai.

1 KHANGTHU 6:70

chuleh, Manasseh Inkuante lak ah a kimkhatte gam ah kipat in, Aner leh a gancha tatna munte tawh, Bileam leh a gancha tatna munte tawh; ziate cheng chu Kohath suante lak ah mi bang a hem jatte â ding ah piak a hiu.

1 KHANGTHU 7:29

Manasseh tawh gamgi zul ah Beth-sheom tawh a khawpite tawh, Taanakh tawh a khawpite, Magiddo leh a khawpite, Dor tawh a khawpite tawh a hiu a. Zia khuate ah hin Israel chapa Joseph suante chu a chêng ui.

2 KHANGTHU 35:22

Himaleh, Josiah chun a kiheimangsan nuam pua’n, ama chu a do theina dingin a mêl a siam lamdang zaw bawn nalai sêt ah. Neko kam ah Pathian thu kigen chu ngaisak lo in, Megiddo phâijawl ah kidona chun a vapang tai.

SAM 83:10

amau chu Endor khua’n a mangthai un, lei â ding ah êknîn gual bep a hitau hi.

JEREMIAH 49:2

Ziaziakchun, Ammonte khawpi, Rabbah do-na ding ah pengkul ka mûtna ding hun chu, hung tung ngei ngei ding ahi; mualbawk nutsia ah um gual bep hi’ntin, a khawchate chule mei ah hâl tum hi’n a; ziaphat chuleh, Israelte’n amau suandokte chu, suandok kit ta’n au, Lalpa‘n a tii.

ZEKARIAH 12:11

Ziaphat chuleh, Jerusalem ah sûnna chu Megiddo phâizawl ah Hadad-rimmon mun ah lusûnna huaisia gual chu hita’n a.

JOSHUA 11:2

mallam tânggam ah lengte, Kinneroth simlam ah Arabah leh phâijawl leh tumlam ah Naphoth-dor ah Leng leh,

JOSHUA 12:21

Taanakh khua leng pakhat, Megiddo khua leng pakhat,

JOSHUA 12:23

Naphath-dor ah Dor khua leng pakhat, Galili ah Goiim khua leng pakhat,

JOSHUA 16:9

Manasseh suante chanvo lak ah Ephraim suante â ding ah, khawpi guat chuam piakte tawh a khawpel zosiau tawh a hiu a.

JOSHUA 17:10

Zia gam simlam chu Ephraimte gam leh a mallam chu Manassehte gam ahi’n, Tuisuagiat chu a gamgiu ahi; mallam ah chun Asherte gamgi a sun ah, a sualam ah chun Issakharte gamgi tawh a kimat a.

JOSHUA 17:16

Joseph suante chun, “Tânggam chu kei uh â dingin a hun tawk puai; phâicham ah Kanaan mite, Beth-shean leh a khawpel ah chêng zosia tawh, Jezreel phâijawl ah chêng zosia chun thîk kângtalai a nei nalai sêt un,” a tiu a.

VAIHAWMTE 1:27

Chun, Manasseh inle Beth-shean leh a khawpel ah chêngte, Taanakh leh a khawpel ah chêngte, Dor leh a khawpel ah chêngte, Ibleam leh a khawpel ah chêngte leh Megiddo leh a khawpel ah chêngte chu a nawdok pua’n; zia Kanaan mite chu gam sung in a chêng zing tau ahi.

VAIHAWMTE 5:19

Megiddo luicha leh Taanakh munte ah, lengte hung kuan in gâl a do un, Kanaan lengte chu a do tau ah; gâl lâk dangka bangma a la puau.

1 SAMUEL 28:7

Ziaphatchun, Saul in a suakte kiang in, “Numei dawithiam pakhat ka vakawm ah, ka dot theina dingin, ei kandaw piak tiam un,” a tia. A suakte chun a kiang in, “Endor ah dawithiam numei pakhat a um hi,” a ti tau hi.

1 SAMUEL 31:10

Saul gâlvante chu Astarte hona tempul sung in a koi un; a luang chu Beth-shan kulbâng in a kil dên tau hi.

1 SAMUEL 31:12

mi hangsan zosia a hung kuandok un, jan khawvak ah chia in, Beth-shan kulbâng ah Saul tawh a chate luang kikil dên haw chu a va ladok tau ah. Jabesh khua a hun paw tung un, zia tak ah chun a hâl tau hi.