JOSHUA 17:1 - PATHIAN LEKHABU THIANGTHO (BSI)

¹ Chun, Manasseh chu Joseph cha upa pen ahiziak in, amau phung ah mite’n a luana ding uh piak a hiu ah. Manasseh cha upa Makir, Gilead pa chu mi gâlhat ahiziak in, Gilead leh Bashan gamte chu piak a hiu a.

JOSHUA 17:1 ပူးပေါင်းရင်းမြစ်များ

THILSIAM THU 41:51

Joseph in a chapa upa zaw min chu Manasseh a sak in: “Pathian in ka sepgimna zosia leh ka pa chanaute zosia ei hetmilsak ta’ngal in,” a ti ziakin.

THILSIAM THU 41:52

A chapa neuzaw min chu Ephraim a sak ah: “Pathian in ka vangsiatna gam ah hin chi ei suan piak ta hen,” a ti ziak ahi.

THILSIAM THU 46:20

Chun, Joseph in Aigupta gam ah chun chapa pani, Manasseh tawh Ephraim a nei ah; ziate chu On khua thiampu Potiphera chanu Asenath in a hin piakte chu a hiu a.

THILSIAM THU 48:17

Joseph in a pa’n a khut changlam Ephraim luchung ah a ngak chu a mu in a lungdam ta pua’n; a pa khut Ephraim luchung ah a ngak lai chu Manasseh luchung in a ngaksak ta’n.

THILSIAM THU 48:18

Joseph in a pa kiang in, “He pa, zia gual ding hi ahi puai: zia zawk hi ei vei nautîl chu, la khut changlam a chung in nga zaw’n,” a ti’n.

THILSIAM THU 50:23

Joseph in Ephraim cha, a tute suan thumna tiang in a mu malam ah: Manasseh chapa Makir chate le Joseph khâlbe’ piang a hiu.

2 SAMUEL 2:9

Gilead, Ashur, Jezreel, Ephraim, Benjamin leh Israelte zosia chung ah Leng dingin a siam tai.

1 KHANGTHU 2:23

Himaleh, Geshur tawh Aram in Havvoth-jair, Kenath tawh a khawpi sawmgukte chu a lâkpiak ui. Ziate zosia chu Gilead pa Makhir suante ngen a hiu.

EZEKIEL 47:13

Lalpa Pathian in zia gual hin a gen a: Israel nam sawm leh nite kiang in a gochan ding uh, gam la hoppiakna ding gamgi ding chu zia gual hi ahi. Joseph in chanvo ni chang in a.

EZEKIEL 48:4

Naphtali bân ah Manasseh;

KISIMNA LEKHABU 26:29

Manasseh suante chu: Makir leh Gilead a hiu a.

KISIMNA LEKHABU 27:1

Ziaphatchun, Zelophehad chanute a hung pawtdok un. Zelophehad chu Hepher chapa ahi’n, Hepher chu Gilead chapa ahi’n, Gilead chu Makir chapa ahi’n, Makir chu Manasseh chapa ahi; tichun, Zelophehad chu Joseph chapa, Manasseh phung ah mi ahi. A chanute min chu: Mahlah, Noah, Hoglah, Milkah leh Tirzah a hiu a.

KISIMNA LEKHABU 32:33

Chuleh, Mosi chun Gad chate leh Reuben chate leh Joseph chate Manasseh phung ah mi a kimkhatte kiang in, Amor lal Sihon lenggam tawh, Bashan Leng Og lenggamte chu a gam sung pumpi tawh, a sung ah khawpi um zosia tawh, a gam kîmvêl zosia pum in a petai.

DAN LEKHABU 21:17

A doi lo zawknu tawh a chapau himaleh, a chapa upa pen ahi ziakin, a nei zosia lak ah a chan uh le’ni in a chan chuang ding ahi; a cha masa pen hi’na ziakin upa hi’na chu a chang him him ding ahi.

JOSHUA 17:2

Chuleh, Manasseh phung ah midangte zosia chan dingin, a Inkuan uh Abiezer, Helek, Asriel, Shekhem, Hepher leh Shemidate â ding le hop piak chiat a hiu a; zia cheng hi Joseph chapa Manasseh suante lak ah pawsalte chu a hiu a.

JOSHUA 22:7

Manasseh phung ah mi a kimkhatte kha Mosi’n Bashan gam ah chanvo a la pia’n; ahi’n, a kimkhat dangte kiang in Joshua’n Jordan lui tumlam pang ah a unauteu kiang in chanvo a la pe zo tai. Chuleh, Joshua’n amau chu a maljawl ah, a puanbûk lam ua a sawl kit lai ah khan,

VAIHAWMTE 5:14

Ephraim ah kipat in phâijawl a hung tung suk un, la nung in Benjamin leh la chanaute a hung ui; Makir ah kipat in sepai hotute a hung suk un, Zebulun ah kipat in vaihawmna tiang chawite a hung kuan suk ui;