JOSHUA 15:3 - PATHIAN LEKHABU THIANGTHO (BSI)

³ Akrabbim chiatona kipat in simlam zuan in a chia pek ah, Zin tiang in a vatung ah, zia kipat chun Kadesh-barnea simlam ah kithung to pek in Hezron a vatung ah; chuleh, Addar ah chia to in Karka lam in a kihei a;

JOSHUA 15:3 ပူးပေါင်းရင်းမြစ်များ

THILSIAM THU 14:7

A kile’kit lam un En-mishpat (zia chu Kadesh ahi) a tung un; Amalekte gam zosia leh Hazazon-tamar khua chêng Amor mite zosia le a that malam pek un.

KISIMNA LEKHABU 20:1

Israel mipi zosia chu tha masa pen sung in Zin gamthip a hung tung un; mipite chu Kadesh mun ah chun a kichawl tau a. Zia tak ah chun Miriam a thi, a vui tau a.

KISIMNA LEKHABU 32:8

La pateu inle, Kadesh barnea mun ah kipat gam entha ding ah ka sawl lai ah khan, zia gual hin a la bawl tau a.

KISIMNA LEKHABU 34:4

la gamgiu chu simlam pang ah hung kithung pek in, Akrabbim kaltona lam tiang ah chia to in, Zin gam hawtheng in, a simlam gamgi chu Kadesh-barne ahi’n. Zia kipat chun Hazar-addar lam ah kithung pek in, Azmon hawtheng pek intin;

JOSHUA 15:2

Chun, simlam ah a gamgiu chu Tuipi Thi mong ah kipat simlam kâi tuikawi chan ahi’n;

JOSHUA 15:4

Azmon lam ah chia pek in, Aigupta Wadi ah hung pawt in, Tuipi in a tawp a. Zia chu simlam ah la gamgi ding uh ahi.

VAIHAWMTE 1:36

Amor mite gamgi chu Akkrabim kalto’na kipat leh Sela kipat mallam kâi cheng chu ahi.