JOSHUA 14:12 - PATHIAN LEKHABU THIANGTHO (BSI)

¹² Chutichun, Lalpa‘n zia ni a la gensa, zia tak tâng gam ngei hi ei pia ta’n; zia ni khan Anakimte leh a khawpiu, kulpi detdo tak tak neite chênna gam ahi ti zia ni khan la he ta’ngâl ah; Lalpa‘n ei umpi intin, amau chu deldok mai ding ka hi, Lalpa‘n ei la gen piaksa ahi gual in,” ti’n a gen ta’n.

JOSHUA 14:12 ပူးပေါင်းရင်းမြစ်များ

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

SAM 44:3

a chemjam ziak uh hilo in gam hi la zawsak a; amau bân thahât ziak bep ah kihukhing a hipuau hi; amau la doisakna ziakin la khut changlam leh, bân thahât leh la mêl vâk in a hizawi.

SAM 60:12

Pathian tawh kithua in, hangsan tak in do ing ka tiu in; ama chu I mêlmateu tawden dingpa chu ahi.

KISIMNA LEKHABU 13:28

ahiziakin, a gam ah chêngte chu mihat tak takte a hiu ah, a khawpiteu chule lian tak tak leh kul ah ki-ûmchak ngen ahi; chuleh, zia gam ah chun Anak suan leh pâkte chule ka muu hi.

KISIMNA LEKHABU 13:33

Zia tak ah chun, Nephilim suante (Anakte chu Nephilim suante a hiu ah) chule ka vamuu ah; amau lak ah chun khaubepi gual bep in ka kilang un, amau â dingin zia gual khop ah neu ah chun ka um mai ui,” a tiu a.

KISIMNA LEKHABU 21:34

Himaleh, Lalpa chun Mosi kiang in, “Amau chu lau him him kiu in; ama tawh a mihing zosiau tawh, a gam uh la khut ah ka hun piaksa a hita ngâl a. Heshbon khua vaihawmpa, Amorte lengpa Sihon la bawl gual khan, ama chung inle bawl ding la hi,” a tia.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

DAN LEKHABU 1:28

Khoilam zuan I hitau em? I unauteu in, A gam ah chêngte chu ei haw sâng ah hatzaw leh sangzaw ngen a hiu ah; a khawpiteu chule a lian in van supha khop hial ah kulbâng sâng nei ngen a hiu; zia tak ah chun Anak suante chule ka hun mu malam ngei ngei ui!, a ti nalai ua,” la tiu a.

DAN LEKHABU 9:1

Aw Israelte haw, ngai un! Nangmau sâng ah tam zaw leh hatzaw te, a khawpiu det leh a kulbâng uh van supha khop ah sangte suandok dingin tu’ni hin Jordan lui gâl kâi ding la hitau.

DAN LEKHABU 9:3

Tu’ni hin Lalpa la Pathian uh chu kâng mang sek mei kuang gual ah la ma lam ua chia pek ahi ti he tau in; Lalpa‘n la kiang ua a la tiamsa gual khan, amau la suandawu ah, la hi’mangthai theina ding un hun do piak in, hun zaw piak ding ka hi ti he tau in.

PHILIPPI 4:13

Ei hi’hatpa Khrista jal ah chun bangkim bawlthei ka hi.

HEBRAITE 11:33

ziate chun ginna ziakin gamte a lau ah, dik tak in vai a hawm un, Pathian thutiamte a la chang un, sakeibaknei kam te a suchîp un;

JOSHUA 15:14

Chun, Kaleb in zia mun ah kipat chun Anak suan, a chapa pathumte: Sheshai, Ahiman leh Talmai chu a nawdok ta’n.

VAIHAWMTE 1:20

Mosi’n a la gen gual in, Hebron chu Kaleb a pia tau ah; zia kipat chun ama’n Anak chate pathum chu a nawdok tai.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.