JOSHUA 11:6 - PATHIAN LEKHABU THIANGTHO (BSI)

⁶ Chun, Lalpa‘n Joshua kiang in, “Amau chu lau kiu in, jing leh tu’hun ma ma hileh amau chu tha’sa ngen in Israelte kiang ah hun pia ding ka hi; a sakolteu zapigui sat tan piak in la tiu in, a kângtalaiteu chu hâl tum piak ding la hiu,” a hun ti’n.

JOSHUA 11:6 ပူးပေါင်းရင်းမြစ်များ

2 SAMUEL 8:4

David in a sakol sepai sang khat leh za sagi tawh, keng sepai sîng ni a lâkpiak ah. David in a kângtalai kai sakol zosia lak ah kipat in kângtalai za khat kai ding a hawi ah, a dang cheng chu a zapigui uh a sât tan piak tai.

2 LENGTE 6:16

Ama’n a dawnhu a, “Lau kiu in, amau lam ah pangte sâng in ei uh lam ah pangte a tam zawu hi,” a tia.

2 KHANGTHU 20:16

Jing leh amau do dingin kipan un; amau le Ziz kaltona lam in hung kuan ding a hiu; Jeruel gamthip phâkma, phâicham tawp lam ah kisitua ding la hiu.

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

THUPILTE 20:7

Midik, dem kâi lo ah um, ama dungsûn a chate chu mi vangpha a hiu!

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

EZEKIEL 39:9

Ziaphat chuleh, Israel gam ah khawpi chêngte chun a gâlvanteu: awmphaw leh phawte, thalpi leh thalchangte, molzum leh cheichate chu chom khawm intiu in, kum sagi mei in tik ta’n au;

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

NAHUM 2:13

Sepai honte Lalpa chun, “Ngaitia, nangma kãl in ka pang in, la sakol kângtalaite chu hâlkhu veng vung ing ka tin, la chemjam hiamte chun, sakeibaknei note chu that gam ding a hiu; lei chung pumpi ah kipat in la sa mat zosia hun lâkpiak sik sek ding ka hi’n; chuleh, la thangkote aw git chu het hita pua’n a,” a tia.

DAN LEKHABU 7:16

Lalpa la Pathian un la khut ua a hun piaksa nam zosia chu, lainatna pang lo in hi’mangthai sik sek un; a pathianteu na sêm kiu in, nang uh â ding ah kipalna thâng hi ding ahi ngâl a.

JOSHUA 10:8

Lalpa‘n Joshua kiang in, “Amau chu lau him him kin, la khut ah ka piaksa ahi ta’ngâl un; a lak ua khat chale nang hun zo ding um lo a hiu,” ti’n a gen a.

JOSHUA 11:5

Zia leng zosia chu kizom khawm in, Merom luidung ah hung in, Israelte do dingin a giak khawm tau hi.

JOSHUA 11:7

Tichun, Joshua chun a sepai zosia tawh Merom luidung ah chun hun do phut in, a baw tau a.

JOSHUA 11:9

Tichun, Lalpa thupiak gual tak in Joshua’n a chung un a bawl ta’n; a sakolteu zapigui sat tan piak in, a kângtalaiteu chu a hâl tum piak tai.

JOSHUA 3:5

Chuleh, Joshua’n mipite kiang ah chun, “Kisuthiangtho un; jing leh Lalpa‘n la lak un thilmak hun bawl ding ahi ngâl a,” a tia.

VAIHAWMTE 20:28

Aron chapa Eleazar chapa Phinehas chu thiampu a pan lai tak ahi;) “Ka chanauteu Benjaminte do ding ah kuan kit nalai ding ka hiu em; ahiloleh, haisan mai ding ka hitau em?” a tiu ah. Ziaphat chun Lalpa‘n, “Do kit un, jing leh amau chu la khut un hun pia ding ka hi tai,” ti’n a hun dawnhu a.

VAIHAWMTE 7:9

Zia jan ah chun Lalpa‘n Gideon kiang in, “Tho inla, a giamun uh va bulu in; la khut ah ka piaksa a hita ngâl a.

1 SAMUEL 11:9

Thangko hungte kiang ah chun, “Jabesh-gilead ah chêngte kiang in zia gual hin a la gen un: ‘Jing leh sûn nisat lai tak leh hukdaw ah hung um ding la hiu,’ a la tiu in,” ti’n a gen a. Thangkote chu a hung tun ua, Jabesh ah chêngte kiang ah zia thu chu a gen phat un, a kipak ma mau a.