JOSHUA 11:23 - PATHIAN LEKHABU THIANGTHO (BSI)

²³ Tichun, Mosi kiang ah Lalpa‘n a gen gual tak in Joshua’n gam pumpi chu a la suak ta’n; chuleh, Joshua chun Israelte chu a phung kikhen dungzui chiat ua a gochan ding un a pechiat tai. Tichun, a gam chu gâl muang in a um tai.

JOSHUA 11:23 ပူးပေါင်းရင်းမြစ်များ

NEHEMIAH 9:24

Tichun, a suan a pâkteu a lut un, a valua tau ah; a gam ah a la chêngsa Kanaan mite haw chu la tawden piak ah, a khut un la pedok ah, a nop dan dan ua a khoi thei ding un a lengteu leh a mipiteu chu la pedok tai.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

PAWTDAWNA THU 34:11

Tu’ni ka thupiak hi vop pha’n. En in, la âng ah hin Amorte, Kanaante, Hitte, Perizte, Hivte leh Jebushte haw hi nawdok ding ka hi.

EZEKIEL 45:8

Zia huap sung hi Israel gam ah a gochan ding uh chu ahi. Tichun, ka lal vaihawmte chun ka mipite a hi’genthei lo diu ahi; himaleh, Israel Inkuante zosia a phung dungzui un gam a neisak zaw ding uh a hiu.

DAN LEKHABU 1:38

nangma hun kithuapi Nun chapa Joshua hi vang lut in a; ama hi tilkho in, Israelte gam chan ding chu ama’n lua ding ahi ngal a.

DAN LEKHABU 25:19

Ziaziakchun, Lalpa la Pathian un la lua ding ua a hun piakna gam la hung chên phat ua, la kîmvêl ua la mêlmateu zosia lak ah kipat, Lalpa la Pathian un gâl muang tak ah a hun umsak phat leh, van nuai ah Amalekte het zingna chu la hibei tei tei ding uh ahi; zia chu la hetmil lo ding uh ahi.

JOSHUA 11:18

Joshua’n zia lengte zosia a do zaw’na ding ah hin hun sawt tak a lut hi.

JOSHUA 12:7

A nuai ah gamte hi Joshua leh Israelte’n Jordan lui gâl tumlam pang ah Leng a thalupteu chu a hiu; Lebanon phâijawl, Baal-gad ah kipat Seir tâng sun to Halak tâng tiang in, (Joshua’n Israel namte a phung dungzui chiat ua zia gam chu a chan ding un a pechiat a;

JOSHUA 18:10

chuleh, Joshua’n Shiloh ah Lalpa ma-âng ah âi a la sân piak ta’n; zia mun ah chun Joshua’n Israelte lak ah gam a hop piak chiat ta’n, phung tin â dingin gam a pechiat tai.

JOSHUA 22:4

Tichun, Lalpa la Pathian un la kiang ua a la kitiam dungzui in, la unauteu chu a chawldamsak ta ahi; ziaziakchun, Lalpa suak Mosi’n Jordan lui gâl lam ah la chanvo ding ua a hun piakna gam lam ah, la puanbûkteu kha zuan kit tau in;

JOSHUA 23:1

Lalpa‘n Israelte chu a kîmvêl ua a mêlmateu ah kipat gâl muang tak ah kum sawt tak a umsak zaw phatin, Joshua chule a hung upa ta’n, a têk ma ma ta’n;