JOSHUA 11:22 - PATHIAN LEKHABU THIANGTHO (BSI)

²² Israelte gam sung ah chun Anakimte lak ah mi pakhat chale hawi in a um ta puau a; Gaza, Gath leh Ashdod khua te ah chun khen khat a um bep tau a.

JOSHUA 11:22 ပူးပေါင်းရင်းမြစ်များ

1 LENGTE 2:39

Kum thum a hung tawpna chun, Shimei suakte pani chu Gath Lengpa Maakah chapa Akish kiang in a tai mang un; Shimei kiang ah chun, “Ngai tia, la suakte Gath khua’n a um ui,” ti a hil un.

1 KHANGTHU 18:1

Ziazaw chun, David in Philistinte chu a vado ah, a zo ta’n; Philistinte ah kipat in Gath khawpi leh a khawpelte chu a lâkpiak tai.

1 KHANGTHU 8:13

chuleh, Beriah tawh Shema (Aijalon khua chêngte lakah a Inkuanteu hotu ah pang, Gath khua mite a la delmangte kha a hiu a.)

2 KHANGTHU 26:6

Philistinte do in a kuandok ah; tichun, Gath khaw kulpi leh Jabneh khaw kulpi tawh Ashdod khaw kulpite chu a suchim dik dek ah; Ashdod bial leh Philistinte gam sung ah chun khawpite a tungdok tai.

ISAI 20:1

Assuriate lengpa Sargon in a sepai hotu lianpen, Ashdod khua do ding ah a hun sawl kum ah khan,

NASEPTE 8:40

Himaleh, Philip chu Azota khua mu in a um kit a; khawpi chuam chuam in thu a gen vêl vêl ah, Kaisaria tiang in a hung pek hi.

DAN LEKHABU 2:23

Zia gual ma chun, Gaza khawpi tuam ah Avvimte chule Kaphtorte ah kipat hung pawtdok Kaphtor te’n that gam in, a munteu chu suandok in, a chêngden tau ahi).

DAN LEKHABU 9:2

Anakim suan ah milian leh hât tak takte umna ngei chu ahi ti la hiatsau ahi ngâl ah. Amau chungchâng ah, “Anakimte kua’n do ngam ding a hem?” a ti sek uh la he ta’ngâl un.

JOSHUA 10:41

Tichun, Joshua’n Kadesh-barnea ah kipat Gaza tiang leh, Goshen gam zosia tawh Gibeon khua tiang in a susia sik sek tai.

JOSHUA 15:14

Chun, Kaleb in zia mun ah kipat chun Anak suan, a chapa pathumte: Sheshai, Ahiman leh Talmai chu a nawdok ta’n.

JOSHUA 15:46

Ekron ah kipat Tuisuagiat tiang, Ashdod kiang ah khawpi leh a khawpel zosia tawh a hiu a.

JOSHUA 15:47

Ashdod kiang ah khawpi leh a khawpel zosia tawh; Gaza khawpi leh a khawpel zosia; Aigupta luipi dung leh Tuisuagiat Lian leh luikam zosia tiang ahi.

VAIHAWMTE 1:18

Judah in Gaza leh a gam zosia, Ashkelon leh a gam zosia, Ekron leh a gam zosia chule a la zo tai.

VAIHAWMTE 3:3

Nam dangte chu: Philistinte lal panga, Kanaan mite zosia leh Lebanon tâng ah Baal-hermon ah kipat Lebo-hamath tiang ah chêng Sidon mite leh Hiv mite zosia a hiu a.

1 SAMUEL 17:4

Chuleh, Philistinte giamun ah kipat in Gath khua mi pakhat, a min Goliath a hung pawt ah; ama chu tong guk leh khâp khat ah sâng a hin;

1 SAMUEL 5:1

Philistinte chun Pathian thuthung thingkuang chu a lâkpiak phat un, Ebenezer ah kipat in Ashdod a paw tung tau a;