JOSHUA 11:20 - PATHIAN LEKHABU THIANGTHO (BSI)

²⁰ Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.

JOSHUA 11:20 ပူးပေါင်းရင်းမြစ်များ

2 SAMUEL 17:14

Absalom tawh Israelte zosia chun, “Arkha mi Hushai lemguat dan chu Ahithophel lemguatna sâng in a pha zawi,” a ti chiat tau a. Lalpa chun Absalom chung ah siatna a tunsak theina dingin, Ahithophel lemguatna pha tak chu bangmalo sua dingin Lalpa‘n a la lemguatsa ahi ta’ngal a.

1 LENGTE 12:15

Tichun, Nebat chapa Jeroboam kiang ah, Shilon mi jawlnei Ahijah kiang ah Lalpa‘n thu a la gen a guitun theina ding ah; Lalpa ah kipat thil hung um ahiziak in, lengpa chun mipite lungtup chu a ngaisak ta puai.

2 KHANGTHU 22:7

Himaleh, Jehoram entha a chia phat leh, Ahaziah in siatna a tuak ding chu Pathian in a la guanggal sa ahi. Zia mun chu a tun phatin, Jehoram tawh kiton in Nimshi chapa Jehu mu dingin a chiauah, Jehu chu Ahab Inkuante sumangthai dingah Lalpa‘n a la guatsa chu ahi’n.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

PAWTDAWNA THU 10:1

Ziaphatchun, Mosi kiang in Lalpa’n, “Zia ka thilmak bawlte hi a âng ua ka tâklat theina ding in, Pharaoh kiang ah chia in; ama tawh a miliante lungthim la ka hi’tâk ta’ngal in:

PAWTDAWNA THU 11:10

Mosi tawh Aron in zia thilmak zosia chu Pharaoh ma-âng in a bawl tau a; himaleh, Lalpa chun Pharaoh lungthim a hikhau ah, a gam ah kipat in Israelte chu a pawt dawsak nuam diak puai.

PAWTDAWNA THU 14:17

Ziaphat chuleh, Aiguptate lungthim chu hun hikhau ing ka tin, amau chun hun del zui intin uh; chuleh, Pharaoh tawh a sakol kângtalai hotute, a sepai zosiate leh a sakol sepaite zosia chung ah chun keima’n choisânna ka chan theina dingin.

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 14:8

Lalpa chun Aigupta Lengpa Pharaoh lungthim chu a hikhau ah, Israelte hangsan tak ah pawtte chu a del zuisak tai.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 9:12

Himaleh, Lalpa’n Pharaoh lungthim chu a hikhau ah; tichun, amau thu chu a limsak nuam diak puai, Mosi kiang ah Lalpa’n a gensa gual ah khan.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

ISAI 14:24

Sepai honte Lalpa a kihâksial a: Bawl ka guat gual in hung um intin, ka guanggal dungzui in hung guitung ngei ding ahi.

ISAI 34:2

Lalpa chu namtin chung in a lungna ta’n, a sepai hon zosia chung in a thangtawmna a kuangjak tai; siatna tuak dingin a tiam ta’n, thâgam dingin a pedok ta’ngal a.

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

DAN LEKHABU 2:30

Himaleh, Heshbon lengpa Sihon chun a gam sung ka hawthen ding uh a phal ta pua’n; Lalpa la Pathian un amau chu la khut ua a hun piak theina dingin a lungthim uh a hikhau piak ah, tu’ni tiang ah la mu gual ngei un, a lungthim uh a hi’lulul ta ahi.

DAN LEKHABU 7:16

Lalpa la Pathian un la khut ua a hun piaksa nam zosia chu, lainatna pang lo in hi’mangthai sik sek un; a pathianteu na sêm kiu in, nang uh â ding ah kipalna thâng hi ding ahi ngâl a.

VAIHAWMTE 14:4

A nu leh pate’n zia chu Lalpa lemguat ahi ti lam a hepuau a; ama’nle Philistinte do-na ding lampi a gûk ah hawl zing ahi ngâl a. Zia hun ah chun, Philistinte’n Israelte chung ah vai a hawm hun lai uh ahi.

1 SAMUEL 2:25

Mi kua a hem khat in midang khat chung ah thil bawl khial leu, mi kua a hem khat bêk in Lalpa kiang ah a gitlonau chu ngaidam dot piak thei ding ahi’n; himaleh, min Lalpa chung ah thil bawl khial leu kua’n dot piak thei ta ding a hem?” ti’n a hil sek a. Himaleh, amau thalup ding chu Lalpa‘n pha a la sak lam a la hi tak ziakin, a pau thu gente chu bangma’n a ngaisak puau hi.