JOSHUA 11:15 - PATHIAN LEKHABU THIANGTHO (BSI)

¹⁵ Lalpa‘n a suak Mosi kiang ah thu a piak gual in, Mosi’n le Joshua kiang in thu a la pia’n; zia gual ma’ chun Joshua’n le a bawl tai; Lalpa‘n Mosi kiang ah thu a piak zosia chu bawl lo khat chale a nei puai.

JOSHUA 11:15 ပူးပေါင်းရင်းမြစ်များ

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

KISIMNA LEKHABU 33:50

Jeriko gâl ah, Jordan lui pang Moab phâicham ah chun, Mosi kiang ah Lalpa‘n zia gual hin a gen a:

KISIMNA LEKHABU 33:52

la mau ah kipat in a gam ah chêngte zosia nawdok unla, a suang milimteu la hi’siat ua, a milim siamteu le la hi’siat ua, a kithoinau munsangteu chule la khet chim ding uh ahi.

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

LUKA 11:42

Ahi’n, nanghaw Pharisaite haw, la chung uh a gik hi! Pudinate, lokhate leh anche lohingte sawm ah khat la pesek ui; ahi’n, diktatna leh Pathian hepina chu la limsak puau hi, ziate chu ei vei la bawl ding uh; a dangte chule thul diak lo in.

NASEPTE 20:20

himaleh, nangmau phatna ding ahi’phot leh bangma kipadam lo in, mipi lak inle thu ka gen tho ah, thu tam tak ka hun hiatsak ta’n, a In In ah le ka chuantha chiat ahi kha;

NASEPTE 20:27

la kiang un Pathian thiltup gen ka kipadâm pua kha.

DAN LEKHABU 12:32

Ka thupiak zosia, a kip a kawi ah zui dingin chingthei un; bangma belap kiu inla, lâk khen le nei kiu in.

DAN LEKHABU 31:3

Lalpa la Pathian un hun pui gâl kâi intin; zia namte hi la ma-âng un hun hi’mangthai piak intin; nang un amau chu la suandaw ding uh ahi. Lalpa‘n a tiam dungzui in, Joshua’n hun pui gâl kâi ding ahi.

DAN LEKHABU 31:5

Ka thu hun piakte dungzui ah a chung ua la bawltheina ding un, Lalpa‘n la khut un hun pia ding ahi.

DAN LEKHABU 31:7

Ziaphatchun, Mosi’n Israel mipite zosia mu in Joshua a kodok ah, a kiang in, “Hat tak leh hangsan tak in um in; zia mipite hin a pu leh pateu kiang ah Lalpa‘n piak ding ah a la tiamna gam chu nang in pui lût in, luasak ding la hi’n.

DAN LEKHABU 4:2

Lalpa la Pathian uh thupiak, ka hun hilte hi la zui theina ding un, thu ka hun piakte hi khatchale la belap un, la pai khen diak lo ding uh ahi.

DAN LEKHABU 4:5

Ngai un, la luana ding gam ua la zui zing ding un, Lalpa ka Pathian in thu ei piak dungzui in dante leh, thuthungte chu ka hun hil la hiu hi.

DAN LEKHABU 7:2

a leng ua nang mau khut ah Lalpa la Pathian un a hun piak phat leh, that gam in, la hi’mang sik sek ding uh ahi. Amau tawh kilemna thuthung bangma la bawl lo ding uh ahi’n, la daidawp lo ding uh ahi.

JOSHUA 1:7

Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

JOSHUA 11:12

Chun, lengte khawpi zosia chu a lengteu zosia pum in Joshua’n a man sik sek a; Lalpa suak Mosi’n thu a piak dungzui ah chemjam ah that in, a sumangthai sik sek tai.

JOSHUA 11:14

Zia khawpite ah a gâllâkteu leh gancha zosia chu Israelte’n amau â dingin a kilâk tau a; himaleh, mihing ahileh vang a hi’mangthai zaw masiau chemjam in a that un, hinna nei taphot chu khat chale a hawi puau a.

JOSHUA 11:16

Chutichun, Joshua’n gam a lâkte zosia chu: tânggam zosia, Negeb lam zosia, Goshen gam leh a phâijang zosia leh, Arabah leh Israel tânggam leh a phâijang zosia,

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.