JOSHUA 11:12 - PATHIAN LEKHABU THIANGTHO (BSI)

¹² Chun, lengte khawpi zosia chu a lengteu zosia pum in Joshua’n a man sik sek a; Lalpa suak Mosi’n thu a piak dungzui ah chemjam ah that in, a sumangthai sik sek tai.

JOSHUA 11:12 ပူးပေါင်းရင်းမြစ်များ

DAN LEKHABU 7:2

a leng ua nang mau khut ah Lalpa la Pathian un a hun piak phat leh, that gam in, la hi’mang sik sek ding uh ahi. Amau tawh kilemna thuthung bangma la bawl lo ding uh ahi’n, la daidawp lo ding uh ahi.

DAN LEKHABU 9:3

Tu’ni hin Lalpa la Pathian uh chu kâng mang sek mei kuang gual ah la ma lam ua chia pek ahi ti he tau in; Lalpa‘n la kiang ua a la tiamsa gual khan, amau la suandawu ah, la hi’mangthai theina ding un hun do piak in, hun zaw piak ding ka hi ti he tau in.

JOSHUA 10:20

Chuleh, Joshua leh Israelte’n mi tam tak thatlum ah, a zawthian ua, a suakcha sunte le khawpi sung ah a tai lut zaw phat un,

JOSHUA 10:28

Zia ni chun Joshua’n Makkedah mun chule a la’n, a leng teu natiang chemjam in a satlum ah; zia khua chêng zosia chu khat chale suakcha lo in, a that gam sik sek tai. Jeriko khua Leng chung ah a bawl gual gual khan Makkedah khua lengpa chung inle a bawl tai.

JOSHUA 10:30

Lalpa‘n zia khua lengpa chu Israelte khut in a pia ta’n; a sung ah chêng zosia chule chemjam in a satlum sik sek tau ah; a sung ah mi khat chale a hawi pua’n, Jeriko khua lengpa chung ah a bawl gual khan, zia lengpa chung ah chunle a bawl tai.

JOSHUA 10:32

Lalpa chun Israelte khut in Lakish khua chu a pia’n, ani ni tin ni’ chun a la zo tau a; Libnah khua a bawl gual gual un a sung ah um zosia chemjam ah satlum sik sek in, a tawden tau a.

JOSHUA 10:35

Zia ni ma ma chun a la tau ah; Lakish khua a bawl gual gual un a sung ah um zosia chemjam ah sat lum sik sek in, a zo tau a.

JOSHUA 10:37

a la ngâl tau ah; zia khua leh a leng, a khawpel zosiau tawh a sung ah um zosia chu chemjam in a sat lum sik sek tau a; Eglon khua a bawl gual gual un pakhat chale hawi lo in, a khua nangawn susia sik sek in, a sung ah um zosia chu a that gam tau hi.

JOSHUA 11:13

Mual chung ah khawpi ahileh vang Joshua’n Hazor khua a hâl tum tilo ngâl, Israelte’n a dang khat chale a hâl tum puau hi.

JOSHUA 11:15

Lalpa‘n a suak Mosi kiang ah thu a piak gual in, Mosi’n le Joshua kiang in thu a la pia’n; zia gual ma’ chun Joshua’n le a bawl tai; Lalpa‘n Mosi kiang ah thu a piak zosia chu bawl lo khat chale a nei puai.

JOSHUA 13:6

Lebanon ah kipat Misrephoth-maim tiang ah tâng gam ah chêng zosia leh, Sidon mite zosia tiang in a huap ah. A bawn un Israelte ma-âng in hun nawdaw piak ding ka hi; thu ka hun piak gual in, Israelte a gam luana ding chiat uh la hawm ding ahi.

JOSHUA 21:44

A pu leh pateu kiang ah a la kitiam gual in, kil tin ah kipat in Lalpa‘n muanna a pia ta’n; a mêlmateu zosia a khut un Lalpa‘n a piaksa ahi ziakin, a mêlmateu lak ah khat chale amau do ngam a um ta puau hi.

JOSHUA 8:31

Mosi dan lekhabu ah Lalpa suak Mosi’n Israelte thu a la piak, “Suang kisêk hilo, chuleh a chung ah thîk matchâk him him kilek kha lo in mâichâm siam in,” a la ti gual ah kisiam chung ah chun Lalpa â dingin hâlmang thilpiak leh kichamna thilpiak ah kithoina chu a lân tau a.

JOSHUA 8:8

Chuleh, khawpi chu la lak zaw phat uh leh, Lalpa‘n thu ei piak dungzui in, ngai un, thu ka hun pia ta la hiu, khawpi chu mei in la hâl tum diu a hi”; ti’n thu a pia tai.

JOSHUA 9:24

Amau inle Joshua kiang in, “Lalpa la Pathian in, a suak Mosi kiang ah gam zosia hi la khut ah pia in, a gam ah chêng zosia hile la ma-âng ah sumangthai sik sek dingin thu a piai, ti thu la suakte hin ka la hiau ah; chutichun, nangmau ziak ah ka hinnau matsua ding ka lau ziak un, zia gual hin ka la bawl ta mai uh a hi.