JOSHUA 11:11 - PATHIAN LEKHABU THIANGTHO (BSI)

¹¹ Chuleh, zia khua um zosia chu chemjam in a that gam sik sek ah; a ha’thei zosia lak in pakhat chale a hawi pua’n; chuleh, Hazor khua chule a hâl tum tai.

JOSHUA 11:11 ပူးပေါင်းရင်းမြစ်များ

DAN LEKHABU 20:16

Himaleh, Lalpa la Pathian un la lua ding ua a hun piakna khawpi ah chêngte a hiu leh vang, a hing ah, a hathei taphot khêk nei lo ah la thâgam sik sek ding uh ahi;

DAN LEKHABU 3:7

Ahi’n, khawpi sung ah gancha leh thilpha taphot chu ka gâllâk ding un ka chom nâm tau hi.

DAN LEKHABU 7:2

a leng ua nang mau khut ah Lalpa la Pathian un a hun piak phat leh, that gam in, la hi’mang sik sek ding uh ahi. Amau tawh kilemna thuthung bangma la bawl lo ding uh ahi’n, la daidawp lo ding uh ahi.

JOSHUA 10:40

Chutichun, Joshua’n a gam pumpi, tâng gamte, Negeb lam, phâi gam leh tâng pang gamte leh a lengteu zosia that gam in, a la zo vek ah; Lalpa, Israelte Pathian in thu a piak dungzui in, a hathei zosia khêk neilo ah, mi pakhat chale hawi neilo in a sumang sik sek tai.

JOSHUA 6:21

Ziaphatchun, khawpi sung ah um zosia, pawsal leh numei, chapang leh piting, bawngchal, belam leh sabiltung a leng un chemjam in a that gam sik sek tau hi.

JOSHUA 6:24

Khawpi leh a sung ah thil um zosia chu mei in a hâltum tau a; dangka thikte, sanate, sum-eng leh thîk ah kisiam, ûm leh bêlte bep chu Lalpa sumbûk ah chun a hun koi tau a.