JOSHUA 10:20 - PATHIAN LEKHABU THIANGTHO (BSI)

²⁰ Chuleh, Joshua leh Israelte’n mi tam tak thatlum ah, a zawthian ua, a suakcha sunte le khawpi sung ah a tai lut zaw phat un,

JOSHUA 10:20 ပူးပေါင်းရင်းမြစ်များ

2 SAMUEL 20:6

David in Abishai kiang in, “Tu’hin Bikhri chapa Sheba chun Absalom sâng ah ei subuai zaw ding ahi; la pu sepaite hi pui in la delzui in; achutiloleh kuldette a la kilâk man intin, suakcha khatto in a,” a tia.

1 LENGTE 20:21

Israelte lengpa chu a pawt ah, sakolte leh kângtalaite chu a do ah, mi tam tak that in Aram mite chu a zo tai.

2 KHANGTHU 13:17

Abijah tawh a sepaite chun a zo tau ah, mi tam tak le a that ui; Israelte lak ah doichuam kitêldok nuai nga hial chu a that tau hi.

JEREMIAH 4:5

Judai gam ah genjak unla, Jerusalem ah chun zia gual hin tângsam un: A gam pumpi’n pengkul mût unla, ngai tak ah kiko in zia gual hin gen un: “Hung khawm unla, khawpi kuldet neite ah chun lut hitiu!”

JEREMIAH 8:14

Bang ding ah kichu hiat hiat I hiu em? Hung khawm unla, kul det nei khawpite chun lut hitiu in, zia chun vathi mang ziang hitiu. Lalpa chung ah I la gitlo tâk ziak un, Lalpa I Pathian un a thi mangthai ding ah ei koi a hita’i, I dawn ding un tui gu’ kisaw ei pia ta ahi.

DAN LEKHABU 20:16

Himaleh, Lalpa la Pathian un la lua ding ua a hun piakna khawpi ah chêngte a hiu leh vang, a hing ah, a hathei taphot khêk nei lo ah la thâgam sik sek ding uh ahi;

JOSHUA 10:10

Chun, Gibeon khua mun ah a mêlmateu tam tak that in, Beth-Horon zawtna kaltona tiang ah del zui in, Azekah leh Makkedah tiang ah a thalup gam tâk ziak un, Lalpa‘n Israelte ma-âng in amau chu a patau sak ta’n.

JOSHUA 10:19

nang uh vang hung um den lo in, la mêlmateu del pek unla, a nung lam ua kipat in do pek un. A khawpiteu ah lutsak kiu in, Lalpa la Pathian un la khut un amau chu a piaksa la hi ta’ngâl un,” a tia.

JOSHUA 10:21

mi zosia chu Makkedah giamun lam ah Joshua kiang ah bit tak in a hung kile’kit zo tau ah; kuama’n Israelte kãl in thu kam khat ziang le a gen puak ngam ta puau hi.

JOSHUA 11:12

Chun, lengte khawpi zosia chu a lengteu zosia pum in Joshua’n a man sik sek a; Lalpa suak Mosi’n thu a piak dungzui ah chemjam ah that in, a sumangthai sik sek tai.

JOSHUA 11:8

Lalpa‘n amau chu Israelte khut in a pia’n, Israelte’n a do un, Sidon khawpi leh Misrephoth-maim mun tiang leh sualam ah Mizpeh phâiguam chan in a delzui tau a. Pakhat chale hawilo in a that gam sik sek tau hi.

JOSHUA 8:24

Chuleh, Israelte’n amau gamthip ah a delnau mun ah, Âi khua mite zosia a nunung pen tiang ah chemjam ah a thalup zaw phat un, Israelte zosia chu Âi khua a chia kit ua, khua sung ah umte chu le chemjam in a va that gam sik sek tau a.