JOSHUA 1:9 - PATHIAN LEKHABU THIANGTHO (BSI)

⁹ Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 1:9 ပူးပေါင်းရင်းမြစ်များ

THILSIAM THU 28:15

La kiang ah um zing ing ka tin, la chiana tapo ah hun vêng zing ing ka tin, la kiang ah ka thugen hi ka bawl masang sia hun nusia lo ding ka hi,” a ti’n.

THILSIAM THU 39:2

Lalpa chu Joseph kiang in a um zing ah; ama chu mi lawting tak a hung hi’n: chun a pu Aigupta mi In ah chun a um tai.

THILSIAM THU 39:3

Lalpa chu a kiang in a um zing ah; a thil hi taphot ah a lawtinsak hi ti a pu chunle a he tai.

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 KHANGTHU 15:7

Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

SAM 46:7

Sepai honte Lalpa chun ei umpi a; Jakob Pathian chu I kisêlnau ahi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:5

Lau him him kin, ka hun umpi ngal a; la suante chu sualam ah kipat in, hun pui khawm ing ka tin, tumlam ah kipat inle hun pui khawm ding ka hi;

ISAI 8:12

A vaisawmnau ah pang kin la, a kichâkteu chule kicha kin la, tiza diak kin.

DANIAL 10:19

Ka kiang in, “Lau kin, nasa tak ah doisakna changpa! Nang chu humbit la hi tai. Hat tak leh hangsan tak in um in!” ei hun tia. Zia gual ah ei hun ho zaw phat ah chun ka hung hât ta’n, a kiang in, “Nang in lei hi’hât tâk ziakin, tu’hin ka Lalpa‘n thu hun gen ta’n le,” ka ti tai.

HAGGAI 2:4

Himaleh, aw Zerubbabel, kisuhangsan in, Lalpa‘n a tii; aw Jehozadak chapa thiampu lianpen Joshua, lungthuai him him kin; gam sung ah mipi zosiate haw, lungthuai kiu in, Lalpa‘n a tii. Sêm jel un, ka umpi zing ngal ah, sepai honte Lalpa‘n a tii.

HAGGAI 2:5

Aigupta ah kipat la hung pawt lai ua, la kiang ua thu ka la tiam gual ah khan, la lak un ka thagau a chêng zing hi; lau kiu in.

NASEPTE 4:19

Himaleh, Peter leh Johan chun a dawnhuu ah, “Pathian mit mu ah chun Pathian thu mat sâng ah nang uh thu mat jawk chu dik ding a hem, ti hi ngaituau in;

DAN LEKHABU 1:21

En un, Lalpa la Pathian un gam chu a hun pe zo ta’n; chia to unla, valua tau in; la pu leh pateu kiang ah a tiamsa ahi ngal ah; lau kiu inla, lungthuai diak kiu in,” ti ka gen la hiu.

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

DAN LEKHABU 31:23

Chuleh, Lalpa‘n Nun chapa Joshua chu mawpuakna a pia’n, a kiang in: “Hat tak leh hangsan tak in um in. Israel mipite hi a kiang ua ka kipautiamna gam ah chun pui lût ding la hi’ngâl ah; hun umpi zing ding ka hi,” a tia.

DAN LEKHABU 31:28

A hetnau ngei ah zia thu hi ka gen ah, a chungchâng thuu ah hetpi ding ah lei leh van chu ka ko theina dingin, la phung tin ua upate leh la hotuteu zosia hun ko khawm tiam un.

JOSHUA 1:10

Ziaphatchun, Joshua’n mipite chung ah hotute chu zia gual hin thu a pia’n:

JOSHUA 1:17

Bangkim ah Mosi thu ka la zawp sek gualmau khan, nangma thu le zawm jel ing kau. Lalpa la Pathian in Mosi a la umpi gual tho ah khan, nangmale hun umpi zing ta hen!

JOSHUA 1:18

Kuale la thupiak nial ah, la thupiak zosia zawm nuam lo taphot chu thalup mai ding hiu hen. Hat tak leh hangsan tak in um phot mai in,” ti’n a dawnhu tau a.

JOSHUA 10:25

Chun, Joshua’n a kiang un, “Lau kiu inla, huphul him him kiu in; kisuhat unla, hangsan tak in pang un; Lalpa‘n la kidopiu la mêlmateu taphot zia gual hin bawl pek ding ahi ngâl ah,” a tia.

JOSHUA 10:8

Lalpa‘n Joshua kiang in, “Amau chu lau him him kin, la khut ah ka piaksa ahi ta’ngâl un; a lak ua khat chale nang hun zo ding um lo a hiu,” ti’n a gen a.

JOSHUA 3:7

Lalpa‘n Joshua kiang in, “Mosi ka umpi gual tho ah khan nang le hun umpi ding ka hi ti la hettheina dingin, tu’ni hin Israelte zosia mit mu in hun chawihoi pan ding ka hi tai.

JOSHUA 6:27

Chutichun, Lalpa‘n Joshua a umpi ah; gam pumpi ah chun a minthang tai.

JOSHUA 8:1

Ziaphatchun, Lalpa‘n Joshua kiang in, “Lau kin la, lunglel diak kin; gâl kap thei zosia pui inla, tu’hin Âi khua chiatopi ta’n. Ngai in, Âi khua lal leh a mite, a khawpi leh a gam zosiau la khut ah ka hun piak ahi tai.

VAIHAWMTE 6:14

Ziaphatchun, Lalpa‘n ama chu a en ah, a kiang in, “La thahât lai hin chia inla, Israelte chu Midiante khut ah kipat in va hukdok ta’n; keima’n ka hun sawl la hi,” a hun tia.

1 SAMUEL 10:7

Zia gual ah tepte’na chu la hun mu phat leh, Pathian in a hun umpi ziak in, bawl ding ah pha a sak taphot chu bawl mai in.