JOSHUA 1:8 - PATHIAN LEKHABU THIANGTHO (BSI)

⁸ Zia dan lekhabu hin la kam pawtsan ki’hen la; a sung ah kizik dung zui ah chingthei tak ah la bawltheina dingin, a thute chu a sûn a jan in ngaitua sek in. Ziaphat chuleh, la lampi lamzang intin, lawting ding la hi’ngâl a.

JOSHUA 1:8 ပူးပေါင်းရင်းမြစ်များ

THILSIAM THU 24:63

nitâk lam ah chun Isak lou lam ah hunthip mang dingin a hung pawtdok ah; a hung dakdaw leh, sangawngsaute’n ama a hun zuan ua.

2 KHANGTHU 26:5

Pathian lau ding dan a la hil ah pang Zekhariah dam sungsia chu Pathian lam a hawl zing ah; tichun, Lalpa a hawl sungsia chu, Pathian in vangphatna a pia tai.

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

SAM 119:15

La thununna thute ngaitua ing ka tin, la lampite ngaisak ing ka.

SAM 119:97

Aw, la dan ka ngaina na lawm lawm e! Sun nitum ah ka ngaitua pen chu ahi.

SAM 119:99

La thu hetsakte ka ngaitua zing ziakin, ei zilsakte zosia sâng in pilna ka hau zawi.

SAM 19:14

Aw Lalpa, ka suangpi leh ei Tanpa, ka kam ah thu pawtte leh, ka thinlung ah ka ngaituanate hi, la mit mu ah pom tâk hitau hen!

SAM 40:10

La hukdawna panpi’na chu, ka thinlung sung hin ka îm pua’n, la ginumna leh la hukdamna thu ka tângkopi zaw ahi; la ngilneina leh la ginumna chu, mi tampi kikhawmte kiang ah chun ka îm puai.

THUPILTE 3:1

Ka cha, ka hilnate hi hemil kin la, la lunggil in ka thupiakte hi chêng zing zaw ta hen;

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

MATTHAI 12:35

Mipha chun a lungthim gobawm pha ah kipat chun thilpha a suadok sek in: Migilo chun a lungthim gobawm gilo ah kipat chun thil gilo a suadok sek hi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

MATTHAI 7:21

Lalpa, Lalpa, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.

MATTHAI 7:24

Kuale zia ka thugen hi he ah mang tapo chu, mipil suangpi chung ah Insapa gual chu hi’n a.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

JOHAN 13:17

Zia thilte hi la het ua, la hun bawl ua leh hampha ma ma in lau.

JOHAN 14:21

Kuale ka thupiakte nei ah jawm chu, keima ei hepi ahi’n; kuale, keima ei hepi chu, ka Pa’n le hepi ding ahi, keima’nle ama chu hepi ing ka tin, a kiang ah kimusak ding ka hi, a tia.

EPHESA 4:29

Thu phalo him him la kam un pawt ki’hen la, a kul dungzui ah mi dang siamphatna phachuam ding bep pawt zaw ta hen; tichun, a ngaithate chun hepina a piak theina ding in.

DAN LEKHABU 29:8

A gam uh chu lâkpiak in Reubente, Gadte leh Manasseh phung kimkhatte go dingin I la pia tau a.

DAN LEKHABU 29:9

Chutichun, la thil bawlnau zosia ah la lamzan theina ding un, zia thuthungte hi gunchu tak in zawm tau in.

DAN LEKHABU 30:14

A thu la het ua, la zuitheina ding ua zia gual ah chu um hi mai jenlo in, la kam uh leh la lungthim ua naicha um ahi ngâl a.

DAN LEKHABU 31:11

Lalpa la Pathian un a guatchuamna mun ah, Israel mi zosia a hung kilâk phat si’n ua leh, a het ngei ngei ding un, zia dante hi la simdaw sek ding uh ahi.

DAN LEKHABU 31:24

Mosi’n zia dan thute hi a leng in, a tawp tiang ah lekhabu’ a zik zaw phatin,

DAN LEKHABU 5:1

Mosi’n Israelte zosia a ko khawm ah, a kiang un: Aw Israel mipite haw, tu’ni la kiang ua ka gen ding dante leh dan thupiakte hi a la ngai tiam un; ziate hi gunchu tak ah la zil ua, la zop ding uh ahi.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!

DAN LEKHABU 5:32

Lalpa la Pathian un thu a piak gual ah hi dingin chingthei un; changlam a hem, veilam a hem ah la pêtsan lo ding uh ahi.

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

JOSHUA 1:7

Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

JOSHUA 8:34

Chun, ziazaw chun, dan thu zosia, dan lekhabu ah chuang zosia gual in, maljawlna thu leh hânsia lawna thu zosia chu a simdok a.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.