JOSHUA 1:7 - PATHIAN LEKHABU THIANGTHO (BSI)

⁷ Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

JOSHUA 1:7 ပူးပေါင်းရင်းမြစ်များ

1 LENGTE 2:2

“Lei chung zosia dan pangai ah chia ding ka hita’n; ziaziakchun, hat tak in um inla, la pawsal hi’na kilat sak zing in.

1 LENGTE 2:3

Khoi ah le la kiheina zosia la lawtin theina dingin, Lalpa la Pathian thupiak vop inla, a lampi dan zui ding, a thuse’te vop ding, a thupiakte, a dan bawlte, a thu hiatsakte, Mosi Dan ah a zik gual in zui in.

2 LENGTE 22:2

Ama hin, a pa David lampi a haw ah; Lalpa mit mu in thil dik tak in a bawl ah, a veilam leh a changlam inle a pêtmang kha him him puai.

1 KHANGTHU 22:13

Israelte â ding ah, Mosi kiang ah Lalpa thuguat leh dan leh mual a la piakte zosia phatakcha la vop chun, hung hampha ding la hi. Hat tak leh hangsan tak in um in. Lau kin la, lungthuai diak kin.

2 KHANGTHU 15:7

Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

2 KHANGTHU 26:5

Pathian lau ding dan a la hil ah pang Zekhariah dam sungsia chu Pathian lam a hawl zing ah; tichun, Lalpa a hawl sungsia chu, Pathian in vangphatna a pia tai.

JOB LEKHABU 1:8

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawh bang ah pha bukim, thutak, Pathian lau leh thil phalo lak ah kipat kisûm thei mi umlo ei ve,” a ti’n.

SAM 80:19

Aw sepai honte Pathian, ei tung ding kit in; hukhin ah ka umtheina ding un, la mêl hung vâk ta hen.

THUPILTE 4:27

Changlam a hem, veilam a hem in pêt mang kin, thil phalo lam chu jamsan in.

THUPILTE 8:20

Dikna lampi chu ka haw in, diktatna lampi chu ka zui in;

DANIAL 10:19

Ka kiang in, “Lau kin, nasa tak ah doisakna changpa! Nang chu humbit la hi tai. Hat tak leh hangsan tak in um in!” ei hun tia. Zia gual ah ei hun ho zaw phat ah chun ka hung hât ta’n, a kiang in, “Nang in lei hi’hât tâk ziakin, tu’hin ka Lalpa‘n thu hun gen ta’n le,” ka ti tai.

KISIMNA LEKHABU 27:23

a khutte ni a luchung ah ngat in a namdet tai; Mosi kiang ah Lalpa‘n thu a piak gual in a bawl tai.

DAN LEKHABU 11:8

La gâl kâi nung ua, la luana ding uh gam chu la lût ua, la lua theina ding ua hâtna la neitheina ding un, tu’ni la kiang ua ka thupiak zosia hi zawm dingin thu ka hun pia la hiu;

DAN LEKHABU 12:32

Ka thupiak zosia, a kip a kawi ah zui dingin chingthei un; bangma belap kiu inla, lâk khen le nei kiu in.

DAN LEKHABU 28:14

Lalpa chun a mei ding ah hilo in, a luchang dingin hun siam intin; a niam pen ah pang lo in a sângpen in pang in lau.

DAN LEKHABU 29:8

A gam uh chu lâkpiak in Reubente, Gadte leh Manasseh phung kimkhatte go dingin I la pia tau a.

DAN LEKHABU 29:9

Chutichun, la thil bawlnau zosia ah la lamzan theina ding un, zia thuthungte hi gunchu tak in zawm tau in.

DAN LEKHABU 31:7

Ziaphatchun, Mosi’n Israel mipite zosia mu in Joshua a kodok ah, a kiang in, “Hat tak leh hangsan tak in um in; zia mipite hin a pu leh pateu kiang ah Lalpa‘n piak ding ah a la tiamna gam chu nang in pui lût in, luasak ding la hi’n.

DAN LEKHABU 4:2

Lalpa la Pathian uh thupiak, ka hun hilte hi la zui theina ding un, thu ka hun piakte hi khatchale la belap un, la pai khen diak lo ding uh ahi.

DAN LEKHABU 5:32

Lalpa la Pathian un thu a piak gual ah hi dingin chingthei un; changlam a hem, veilam a hem ah la pêtsan lo ding uh ahi.

JOSHUA 1:1

Lalpa suak Mosi a thi’nung in, Mosi kithuapi sek Nun chapa Joshua kiang in Lalpa‘n zia gual hin a gen a:

JOSHUA 1:8

Zia dan lekhabu hin la kam pawtsan ki’hen la; a sung ah kizik dung zui ah chingthei tak ah la bawltheina dingin, a thute chu a sûn a jan in ngaitua sek in. Ziaphat chuleh, la lampi lamzang intin, lawting ding la hi’ngâl a.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 11:15

Lalpa‘n a suak Mosi kiang ah thu a piak gual in, Mosi’n le Joshua kiang in thu a la pia’n; zia gual ma’ chun Joshua’n le a bawl tai; Lalpa‘n Mosi kiang ah thu a piak zosia chu bawl lo khat chale a nei puai.

JOSHUA 23:6

Ziaziakchun, Mosi dan lekhabu ah kizik zosia kha, veilam leh changlam a hem ah pêtsan lo dingin, gunchu tak ah ensui ding leh bawl dingin chingthei tak in um unla;