JOSHUA 1:6 - PATHIAN LEKHABU THIANGTHO (BSI)

⁶ Hat tak leh hangsan tak in um in; a pu leh pateu kiang ah piak ding ah ka la tiamna gam hi, zia mipite gochan dingin hawm piak ding la hi’ngâl a.

JOSHUA 1:6 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 26:3

Zia gam ah hin um tadi inla, la kiang in um ing ka tin, hun maljawl ing ka tin; zia gam zosia hi nangma leh la suante kiang ah hun pia’n, la pa Abraham kiang ah ka tiam kha hi’det ding ka hi:

2 SAMUEL 10:12

I mipiteu leh I Pathian uh khawpi hûkna dingin hangsan tak leh tawmngai tak in pang hitiu; Lalpa‘n pha asak dan dan in hun bawl ta’n ah,” ti’n a gen a.

1 LENGTE 2:2

“Lei chung zosia dan pangai ah chia ding ka hita’n; ziaziakchun, hat tak in um inla, la pawsal hi’na kilat sak zing in.

1 KHANGTHU 22:13

Israelte â ding ah, Mosi kiang ah Lalpa thuguat leh dan leh mual a la piakte zosia phatakcha la vop chun, hung hampha ding la hi. Hat tak leh hangsan tak in um in. Lau kin la, lungthuai diak kin.

1 KHANGTHU 28:10

Tu’hin, Lalpa chun a mun thiangtho In sa ding ah chun a hun têl ta’ngâl a; lunglut tak leh hat tak in um inla, sêm mualsua ta’n, ti’n a gen tai.

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 KHANGTHU 15:7

Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

2 KHANGTHU 20:11

ka lua ding ua lei piakna gam ah kipat ei nawdok dingin a hung kuan tau hilam.

2 KHANGTHU 20:7

Aw ka Pathian uh, nang in zia gam ah a la chêngsate chu la mipi Israelte ma-âng ah nawdaw piak in, la gualpa Abraham suan leh pakte’n kumkhua a lua ding ua la piak hilo a hem?

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

DANIAL 10:19

Ka kiang in, “Lau kin, nasa tak ah doisakna changpa! Nang chu humbit la hi tai. Hat tak leh hangsan tak in um in!” ei hun tia. Zia gual ah ei hun ho zaw phat ah chun ka hung hât ta’n, a kiang in, “Nang in lei hi’hât tâk ziakin, tu’hin ka Lalpa‘n thu hun gen ta’n le,” ka ti tai.

HAGGAI 2:4

Himaleh, aw Zerubbabel, kisuhangsan in, Lalpa‘n a tii; aw Jehozadak chapa thiampu lianpen Joshua, lungthuai him him kin; gam sung ah mipi zosiate haw, lungthuai kiu in, Lalpa‘n a tii. Sêm jel un, ka umpi zing ngal ah, sepai honte Lalpa‘n a tii.

ZEKARIAH 8:9

Sepai honte Lalpa‘n zia gual hin a gen hi: Sepai honte Lalpa In, tempul ngei chu sakdaw kit a hitheina ding ah, In suangphûm lopi, a jawlneite thugen ma ma nanghaw tu’ni ngaithate hin, la khut uh hi’hat tau in.

KISIMNA LEKHABU 26:53

Ziate â ding hin a tam leh tawm dungzui un, a gochan ding uh gam la hop piak ding ahi.

KISIMNA LEKHABU 33:53

A gam uh la lâkpiak ua, la suandaw ding uh ahi; a gam uh chu nang uh â dingin ka hun peta ngâl a.

1 KORINTH 16:13

Kivêng unla, ginna’n ding det in, hangsan tak leh hat tak in um un.

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

DAN LEKHABU 1:21

En un, Lalpa la Pathian un gam chu a hun pe zo ta’n; chia to unla, valua tau in; la pu leh pateu kiang ah a tiamsa ahi ngal ah; lau kiu inla, lungthuai diak kiu in,” ti ka gen la hiu.

DAN LEKHABU 1:8

En un, la mau in gam chu ka hun koi piak ta la hiu; tichun, chiau inla, la pu leh pateu Abraham, Isak leh Jakob kiang leh amau nung ah a suan leh pâkteu in a lua ding ua piak ka la tiamna gam chu valua tau in,” a tia.

DAN LEKHABU 11:8

La gâl kâi nung ua, la luana ding uh gam chu la lût ua, la lua theina ding ua hâtna la neitheina ding un, tu’ni la kiang ua ka thupiak zosia hi zawm dingin thu ka hun pia la hiu;

DAN LEKHABU 31:23

Chuleh, Lalpa‘n Nun chapa Joshua chu mawpuakna a pia’n, a kiang in: “Hat tak leh hangsan tak in um in. Israel mipite hi a kiang ua ka kipautiamna gam ah chun pui lût ding la hi’ngâl ah; hun umpi zing ding ka hi,” a tia.

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

JOSHUA 1:18

Kuale la thupiak nial ah, la thupiak zosia zawm nuam lo taphot chu thalup mai ding hiu hen. Hat tak leh hangsan tak in um phot mai in,” ti’n a dawnhu tau a.

JOSHUA 1:7

Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 10:25

Chun, Joshua’n a kiang un, “Lau kiu inla, huphul him him kiu in; kisuhat unla, hangsan tak in pang un; Lalpa‘n la kidopiu la mêlmateu taphot zia gual hin bawl pek ding ahi ngâl ah,” a tia.

JOSHUA 13:6

Lebanon ah kipat Misrephoth-maim tiang ah tâng gam ah chêng zosia leh, Sidon mite zosia tiang in a huap ah. A bawn un Israelte ma-âng in hun nawdaw piak ding ka hi; thu ka hun piak gual in, Israelte a gam luana ding chiat uh la hawm ding ahi.

JOSHUA 18:3

Tichun, Joshua’n Israelte kiang ah chun, “Lalpa, la pu leh pateu Pathian in a hun piakna gam chu lua ding ah uai âi tak ah bang chan um nalai ding la hiu em?

JOSHUA 21:43

Chutichun, Lalpa‘n a suanteu kiang ah piak ding ah a la kipau tiamna gam zosia chu, Israelte Inkuan a pia ta’n; gam chu a luau ah, a chêngden tau hi.

JOSHUA 5:6

Lalpa thu a ngailo ziak un Israel mipi, Aigupta gam ah kipat hung pawtdok zosia leh a gâldo mi teu tiang ah sukmangthai sik sek ah a um tiang un, Israel suante chu gamthip ah kum sawmli sung zet a vâkvai tau ah. Lalpa‘n a pu leh pateu kiang ah kihaksial ah piak ding ah a la tiamna gampha, khuaizu leh bawngnawi luanna gam chu musak lo dingin a la kitiam tai.

1 SAMUEL 4:9

Aw Philistinte haw, hangsan tak ah pang in, kipawsalsak unla, Hebraite I suak ua a um gual un amau nuai ah I umlona ding un kipawsalsak unla, do un,” a tiu a.