JOSHUA 1:5 - PATHIAN LEKHABU THIANGTHO (BSI)

⁵ La dam sung in mihingcha la âng ah pang ngam ding kuama um pua’n ah. Mosi ka umpi gual khan nang le hun umpi ing ka tin; hun kilepsan pua’ng ka tin, hun nusia diak pua’ng ka.

JOSHUA 1:5 ပူးပေါင်းရင်းမြစ်များ

THILSIAM THU 39:2

Lalpa chu Joseph kiang in a um zing ah; ama chu mi lawting tak a hung hi’n: chun a pu Aigupta mi In ah chun a um tai.

1 LENGTE 1:37

Ka lalpa, lengpa kiang ah Lalpa a um gual ma khan, Solomon kiang inle um hen la; ka lalpa, lengpa David lalchutpha sâng in ama lalchutpha siam lian zaw ta hen!” ti in.

1 LENGTE 11:38

La kiang ah ka thupiak zosia la ngaithâk ah, ka lampite la zui ah, ka suak David gual ah, ka thupiakte leh ka thugelte la vop ah, ka mit mu thil dik la bawl chun, hun umpi ing ka tin, David â ding ah ka bawl piak gual in, Inkuan mi bei talo ding hun bawl piak ing ka tin, Israelte hi hun pia ding ka hi.

1 LENGTE 6:13

Israel chate lak ah chêng ing ka tin, ka mipi Israelte chu nusia lo ding ka hi,” ti in.

1 LENGTE 8:57

I pu leh pateu kiang ah a la um gual in, Lalpa I Pathian uh chu I kiang un um hen; ei nusia in ei kiheimangsan ki’hen la,

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

PAWTDAWNA THU 3:12

Ama chun, “Keima’n nang hun umpi ing ka; chuleh, zia hi keima hun sawl ngei la hinai ti tepte’na hi’n a: Mipite chu Aigupta gam ah kipat la hun puidaw phat leh, zia tâng chung ah hin Pathian ho ding la hi,” a tia.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

JEREMIAH 1:8

Amau chu lau kin, nang hun hukdok dingin, la kiang ah ka um zing ngal a, Lalpa‘n a tii,” ti in.

DANIAL 11:16

Amau do ah hung kuante chun a nop nop un bawl ta’n tiu in, amau dal zo ding kuama um ta pua’n au. Gam mêlpha ah chun mun chang ta’n tiu in, a leng un ama thu’n um ta’n au.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

ROMTE 8:37

Ei khen zo lo e! Zia zosia ah chun ei haw ei hepipa zal ah chun gâl zo te sâng ah chungnung zaw I hiu.

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

DAN LEKHABU 20:4

gâl zaw’na hun pia ding ah la masang ua la gâlteu do ding ah kuandok, Lalpa la Pathian un a hun kitonpi zing ngâl ah,” ti in.

DAN LEKHABU 31:23

Chuleh, Lalpa‘n Nun chapa Joshua chu mawpuakna a pia’n, a kiang in: “Hat tak leh hangsan tak in um in. Israel mipite hi a kiang ua ka kipautiamna gam ah chun pui lût ding la hi’ngâl ah; hun umpi zing ding ka hi,” a tia.

DAN LEKHABU 4:31

Lalpa la Pathian uh chu ja’ngai thei tak Pathian ahi ziakin, hun nusia pua’n tin, hun hi’mangthai diak pua’n ah; la pu leh pateu kiang ah a thuthung tiamsa kha hemil ngailo ding ahi, a tia.

DAN LEKHABU 7:24

A leng leh lalteu chu la khut un hun pedok intin, van nuai ah a min uh thaimang sik sek ta’n lau; a leng ua la hi’mangthai suak masangsiau kuama’n hun do ngam pua’n au.

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

JOSHUA 1:17

Bangkim ah Mosi thu ka la zawp sek gualmau khan, nangma thu le zawm jel ing kau. Lalpa la Pathian in Mosi a la umpi gual tho ah khan, nangmale hun umpi zing ta hen!

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 10:8

Lalpa‘n Joshua kiang in, “Amau chu lau him him kin, la khut ah ka piaksa ahi ta’ngâl un; a lak ua khat chale nang hun zo ding um lo a hiu,” ti’n a gen a.

JOSHUA 21:44

A pu leh pateu kiang ah a la kitiam gual in, kil tin ah kipat in Lalpa‘n muanna a pia ta’n; a mêlmateu zosia a khut un Lalpa‘n a piaksa ahi ziakin, a mêlmateu lak ah khat chale amau do ngam a um ta puau hi.

JOSHUA 3:7

Lalpa‘n Joshua kiang in, “Mosi ka umpi gual tho ah khan nang le hun umpi ding ka hi ti la hettheina dingin, tu’ni hin Israelte zosia mit mu in hun chawihoi pan ding ka hi tai.

JOSHUA 6:27

Chutichun, Lalpa‘n Joshua a umpi ah; gam pumpi ah chun a minthang tai.

VAIHAWMTE 2:18

A lak ua vaihawm ding Lalpa‘n a tundok phat si’n leh, Lalpa‘n zia vaihawm dingte chu a umpi zing ah; tichun, zia vaihawmte dam sung sia chu a mêlmateu khut ah kipat in a hukdok sek hi; amau tawden ah sugentheite nuai ah a thûmnau Lalpa‘n a khawksak sek ziakin.

VAIHAWMTE 6:16

Lalpa‘n a kiang in, “Himaleh, hun umpi ing ka tin, Midiante chu a leng un that zo ding la hi,” a tia.

1 SAMUEL 10:7

Zia gual ah tepte’na chu la hun mu phat leh, Pathian in a hun umpi ziak in, bawl ding ah pha a sak taphot chu bawl mai in.