JOSHUA 1:2 - PATHIAN LEKHABU THIANGTHO (BSI)

² “Ka suak Mosi lah a thi ta’n; tu’hin nangma tawh, zia tak ah mipi zosia hi Israelte â ding ah ka piakna gam chu lua dingin Jordan lui gâl kâi dingin kisa tau in.

JOSHUA 1:2 ပူးပေါင်းရင်းမြစ်များ

THILSIAM THU 17:8

La malzinna Kanaan gam zosia hi nang leh la nung ah la suante kiang ah la kumkhaw go ding un hun pia’ng ka: tichun, keima hi a Pathian uh hi’ng ka,” a ti tai.

NEHEMIAH 9:23

A suan leh pâkteu chu van lam ah aksite jat in la sukpun piakah, a pu leh pateu kiang ah piak la tiamna gam chu lut ah lua dingin la pui tung tai.

JOB LEKHABU 1:8

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawh bang ah pha bukim, thutak, Pathian lau leh thil phalo lak ah kipat kisûm thei mi umlo ei ve,” a ti’n.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

KISIMNA LEKHABU 12:7

Ka suak Mosi kiang in vang zia gual chun ka bawl puai; ama chu ka In sung mi zosia chung ah thuneina piak ahi.

DAN LEKHABU 3:28

Himaleh, Joshua hi thu pia’n la, tîl hangsan in. Ama hin zia mipite hi pui gâl kâi in, la mu ding gam zosia chu luasak ding ahi ngâl a,” a ti’n.

DAN LEKHABU 31:7

Ziaphatchun, Mosi’n Israel mipite zosia mu in Joshua a kodok ah, a kiang in, “Hat tak leh hangsan tak in um in; zia mipite hin a pu leh pateu kiang ah Lalpa‘n piak ding ah a la tiamna gam chu nang in pui lût in, luasak ding la hi’n.

DAN LEKHABU 34:5

Lalpa suak Mosi chu, Lalpa thu gual tak in, Moab gam ah chun a thi tai.

JOSHUA 1:1

Lalpa suak Mosi a thi’nung in, Mosi kithuapi sek Nun chapa Joshua kiang in Lalpa‘n zia gual hin a gen a:

JOSHUA 1:11

“Giabuk ah chiau inla, mipite kiang ah zia gual hin thu vapiau in: ‘La nêk ding uh ngaituau in; ni thum sung in Lalpa la Pathian un a hun piakna gam chu lua dingin Jordan lui gâl kâi ding la hi ta’ngâl un,’ tiu in la,” a tia.