JOSHUA 1:1 - PATHIAN LEKHABU THIANGTHO (BSI)

¹ Lalpa suak Mosi a thi’nung in, Mosi kithuapi sek Nun chapa Joshua kiang in Lalpa‘n zia gual hin a gen a:

JOSHUA 1:1 ပူးပေါင်းရင်းမြစ်များ

1 LENGTE 19:16

Chuleh, Nimshi chapa Jehu chu Israelte chung ah leng dingin sathau la nu’ ding ahi; chuleh, Abel-maholah ah um Shaphat chapa Elisha chu la thasâng ah jawlnei hi dingin sathau la nu’ ding ahi.

2 LENGTE 3:11

Himaleh, Jehoshaphat chun, “Lalpa dong thei ding jawlnei, Lalpa‘n a matchâk ding um talo ahi em?” a tia. Tichun, Israel lengpa suakte lak ah pakhat chun a dawnhu a, “Elijah khut chung ah tui a la buak sek, Shaphat chapa Elisha kha a um hi,” a tia.

NEHEMIAH 8:17

Tichun, saltâng hung pawt kit zosia chun, bawkcha te chu siam in a chêng tau ah; Nun chapa Jeshua hun ah kipat khan zia gual chu Israel mipite’n a bawl khâk nai lo uh ahi. Tichun, kipakna nasa tak a um tai.

PAWTDAWNA THU 24:13

Tichun, Mosi’n a kithuapipa Joshua pui in a kipandok ta, Mosi chu Pathian tâng ah chun a kal to tai.

KISIMNA LEKHABU 11:28

Chun, Mosi kithuapi sek, Nun chapa Joshua’n, a têldawte lak ah pakhat chun a kiang in, “He pu Mosi, khâm ta’n la!” a tia.

KISIMNA LEKHABU 12:7

Ka suak Mosi kiang in vang zia gual chun ka bawl puai; ama chu ka In sung mi zosia chung ah thuneina piak ahi.

KISIMNA LEKHABU 13:16

Zia sia hi a gam entha ding ah Mosi’n a sawldawte chu a hiu a. Chun, Mosi’n a lak ua Nun chapa Hoshea min chu Joshua in a then piak a.

KISIMNA LEKHABU 13:8

Ephraim phung ah kipat Nun chapa Hoshea;

LUKA 16:10

Kuale tawmcha chung ah ginum chu, tam tak chung ah le a ginum hi; kuale tawmcha chung ah gin umlo chu, tam tak chung inle a ginum ngai puai.

NASEPTE 7:45

Zia chu, Pathian in I suanpateu ma-âng ah kipat namdangte a la nawdok lai ah khan, Joshua tawh I suanpateu chun a hun lutpi tau a. David hun tiang ah khan zia chun a la um zing tai.

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

DAN LEKHABU 1:38

nangma hun kithuapi Nun chapa Joshua hi vang lut in a; ama hi tilkho in, Israelte gam chan ding chu ama’n lua ding ahi ngal a.

DAN LEKHABU 31:23

Chuleh, Lalpa‘n Nun chapa Joshua chu mawpuakna a pia’n, a kiang in: “Hat tak leh hangsan tak in um in. Israel mipite hi a kiang ua ka kipautiamna gam ah chun pui lût ding la hi’ngâl ah; hun umpi zing ding ka hi,” a tia.

DAN LEKHABU 31:3

Lalpa la Pathian un hun pui gâl kâi intin; zia namte hi la ma-âng un hun hi’mangthai piak intin; nang un amau chu la suandaw ding uh ahi. Lalpa‘n a tiam dungzui in, Joshua’n hun pui gâl kâi ding ahi.

DAN LEKHABU 33:1

Pathian mi matchâk Mosi in a thi masang in zia a nuai ah maljawlna gual hin Israelte chu a maljawl a:

DAN LEKHABU 34:12

thil thupi tak tak bawlna leh, Israel zosia mit mu ah thilhitheina tizat um tak ah tâklatnate ah chun, ama tuk ding kuama a um puai.

DAN LEKHABU 34:5

Lalpa suak Mosi chu, Lalpa thu gual tak in, Moab gam ah chun a thi tai.

DAN LEKHABU 34:9

Chun, Nun chapa Joshua chu Mosi in a chung ah a khut a ngat ziak in, pilna thagau in a dim ah; Lalpa‘n Mosi thu a la piak gual gual in Israelte’n a thu a mang tau a.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.

JOSHUA 1:15

Lalpa la Pathian un a piakna gam chu lua ah, nanghaw gual tho ah la unauteu Lalpa‘n chawldamna a piak masangsiau gâl chu la dopi ding uh a hiu. Ziazaw chuleh, Lalpa suak Mosi’n a hun piakna, Jordan lui gâl sua lam kâi ah la gam ua chun kile’kit in, zia gam chu chang ta’n lau,” a tia.

JOSHUA 1:2

“Ka suak Mosi lah a thi ta’n; tu’hin nangma tawh, zia tak ah mipi zosia hi Israelte â ding ah ka piakna gam chu lua dingin Jordan lui gâl kâi dingin kisa tau in.

JOSHUA 12:6

Lalpa suak Mosi tawh Israelte’n ziate chu that in a zo diam tau a; chuleh, Lalpa suak Mosi’n Reuben Inkuante, Gad Inkuante leh Manasseh Inkuan kimkhatte golua dingin a gam uh chu a pia tai.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.