JONAH 4:2 - PATHIAN LEKHABU THIANGTHO (BSI)

² Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

JONAH 4:2 ပူးပေါင်းရင်းမြစ်များ

1 LENGTE 19:4

Himaleh, ama chu gamthip sung ah nikhat lamzawt tiang a chia ah, munphi thingbul in a kichu tai. A thi’na dingin a don ah: “A hun tawk tai; tu’hin, aw Lalpa, ka hinna lamang ta’n, ka pu leh pate sâng in ka phazaw diak paw’ngal in,” ti in.

SAM 103:8

Lalpa chu khawtua thiamna leh lungsiat thiamna dim, lung niang tak leh ngilneina dim ahi.

SAM 145:8

Lalpa chu mi lungsiat thiam, lainatna dim leh lungnem, ngilneina buting nei ahi.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

SAM 90:13

Aw Lalpa, hung kile’kit ta’n! Bang chan a hem la lungnat ding? La suakte hi khawtua ta’n.

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

JEREMIAH 20:7

Aw Lalpa, nang in lei jawl ah, tichun, jawl zaw in ka la um tai; keima sâng in la hatzaw’n, lei zo tai. Sun nitum tum ah nuizatbûk ka hita’n, mi zosia’n ei nuisan tau hi.

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

JONAH 1:3

Himaleh, Jonah chu Lalpa ah kipat in Tarshish lam zuan ah tai mang gua’n a kipandok ta’n, Joppa khua’n a chia suk a; Tarshish lam zuan ding long pakhat a mu’n, a chuanman ding a pia, Lalpa âng ah kipat tai mang gua’n, Tarshish lam zuante tawh kiton ding in a chuang tai.

JONAH 3:10

Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

LUKA 10:29

Himaleh, ama leh ama thiam kichan gua’n Jesu kiang in, “Ka Invêngte chu kuate a hiu em?” ti’n a dong a.

DAN LEKHABU 4:31

Lalpa la Pathian uh chu ja’ngai thei tak Pathian ahi ziakin, hun nusia pua’n tin, hun hi’mangthai diak pua’n ah; la pu leh pateu kiang ah a thuthung tiamsa kha hemil ngailo ding ahi, a tia.