JONAH 3:4 - PATHIAN LEKHABU THIANGTHO (BSI)

⁴ Jonah chun, khawpi sung ni khat lam a zawt nung in thu a gen pan a: “Ni sawmli zaw leh Nineveh hi sukmanthai hiding ahi tai,” ti’n tâng a sam a.

JONAH 3:4 ပူးပေါင်းရင်းမြစ်များ

2 LENGTE 20:1

Zia hun lai ah chun, Hezekiah chu thi tavang hial ah damlo gim ma ma in a um ah. Amoz chapa jawlnei Isai a kiang ah hung in, zia gual hin a hung gen a: “Lalpa‘n zia gual hin a gen hi: ‘La In sung sutûp in, thiding la hi ta’ngal in; damdok talo ding la hi,’ ti’n,” a vagen a.

2 LENGTE 20:6

La damsung kum sawm leh nga hun belap piak ding ka hi. Nangma leh zia khawpi hi Assuriate Lengpa khut ah kipat hukdok ing ka tin, zia khawpi hi keima ngei leh ka nasem David jal in veng bit ding ka hi, va ti’n,” ti’n a sawl a.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

JONAH 3:10

Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

MATTHAI 12:41

Vaihawm ni tak leh, Nineveh khua mite kha hung dingin tiu in, tu’lai khangthakte hi thiamlo hun chansak in au: Amau chun Jonah thu gen ziakin a gitloteu a haisan ui; en tiam un, Jonah sâng ah lopi zaw zia hin a um hi.

LUKA 11:30

Jonah kha Nineveh khua mite â ding ah tepte’na ahi gual khan, Mihing Chapa hile tu’lai khangthakte â ding ah tepte’na ahi.

LUKA 11:32

Nineveh khua mite kha le vaihawm ni tak leh tu’lai khangthakte hitawh hung ding khawm intiu in, thiamlo hun chansak in au. Amau haw chun Jonah thugen ziakin a gitlonateu a haisan tau a: En tiam un, Jonah sâng ah lopi zaw zia’ hin a um hi!

DAN LEKHABU 18:22

jawlnei in Lalpa min ah thu a gen hi’ngâl ah guitung lo leh, a diklona mu chian ahi chun, zia chu Lalpa ah kipat hilo ahi, ti’na ahi, jawlnei in a ginkawmngai ah a gen mai mai ahi, zia gual chu lau kiu in.