JONAH 2:6 - PATHIAN LEKHABU THIANGTHO (BSI)

⁶ tângte bul lam pek ka tung tai. Lei in kumtuang ah chabi a khâkkhûmna ding mun chu ka tung suk tai; ahi’n la, aw Lalpa ka Pathian, nang in ka hinna khûkthim ah, kipat in la puidok tai.

JONAH 2:6 ပူးပေါင်းရင်းမြစ်များ

JOB LEKHABU 33:24

ama lainat in doisak ma ma in, “Thi’na ko’tang ah kipat in hun hukdok un, ama kitatna ding ka mudok tai;

JOB LEKHABU 33:28

Thi’na ko’tang ah lut ding lai ei hukdok in, ka hinna hin vâk mu kit ding ahi tai,” ti’n La a sak khum hi.

SAM 104:6

Puan gual in tuisuagiat hi la sil sak in; tui chun tângte chu a khû hi.

SAM 104:8

Tângte’n a kal to un, a mun ding uh la siampiakna, phâijawlte ah chun a luang suk ui.

SAM 116:3

Thi’na khauhualte chun ei zem ah, Sheol gûte chun ei zo ta’n; lungkhamna leh beidonna ka tuak hi.

SAM 143:7

Aw Lalpa, ei dawnhu kin in; ka thagau basam ding ahi tai. La mai ei sêl mangsan kin la, achutiloleh, mithi khua, lûtsukte gual mai in um kha’ng ka.

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

SAM 18:5

Sheol khauhualte chun ei zem châk a; thi’na thângte chun ei dâl tai.

SAM 30:3

Aw Lalpa, nang in ka hinna, Sheol ah kipat in la hukdok ta’n, mithi khua chiasukte lak ah kipat in, ka hinna la tungding kit ta ahi.

SAM 30:9

“Ka thi chu nang â ding ah bang phachuam ah, gawtmun kawkhûk thim sung ah lut leng, nang â ding ah bang thil phachuam um ding a hem? Leivui chun nang hun chawihoi thei ah, la ginumna chu puangjak thei ding a hia hem?

SAM 55:23

Himaleh, aw Pathian, nang in amau chu manthaina kawkhûk ah, pai lut in la tin; thisan sua mang leh thep mang mite chu, a dam sung ding uh kimkhat le dam zo pua’n au. Ke’n vang nang bep muang zing ing ka.

SAM 65:6

La tha hâtna’n tângte chu la phudet ta hen; hatna’n la tâi la gâk tai.

SAM 69:2

Tawchâk ding umlona buanthuak, thûk tak in ka tum ta hen, tui thûk tak in ka lût ta hen, tuisânglêtte chun ei chup mang tai.

ISAI 38:10

Ka vanglai tak in, thi’na kotkhak ah lut theng ding ka hita hi aw, ka hun um nalai cheng hile, Sheol kotkhak sung ah mang zo mai ding ka hita dia aw?, ka la ti hen.

ISAI 38:17

Zia gual ah haksatna ka tuak chu, kei â dingin thil pha ahi ngei hi. Ka gitlona zosia la nung lam ah la pai mang tâk ziakin, siatna khûk ah lut lo dingin, ka hinna la nungkai kit tai.

ISAI 40:12

A khutpêk kuak in tuisuagiat a te’ a, a khâp ah vânte te’ a, kua’n lei chung ah leivui zosia pawcha te’ in, mualte gik dan bûkna’ bûk in, tângte gik dan bûkna lian ah kua’n a bûk ngai em?

EZEKIEL 26:20

tuan ah tâng ah a la chiasate zotna, Mithi khua lam ah ka hun sot lût phat leh, tuan ah tâng ah mithi khua a la chêngsate lak in, nuaimi lam ah chêng ding la hitâk ziakin, mihingte chênna khawvel ah hin mun nei ta pua’n la tin, a lak unle chêng ta pua’n la.

EZEKIEL 31:14

Tu’kipat thingkung dang zosia, bang gual ah tui in a chapno hiziang leh le, zia gual ah chu sâng ah, a jik in vansûm dawtpha hial ah sâng a um kit tâklo’na ding ahi. A leng un nuaimi gam ah um dingin, thi’na kiang ah piakdaw ahi ta’ngal un; mihing zosia tawh a leng un, mithi khua’n a kiton lut tau hi.

HABAKKUK 3:10

Tâng liante’n a hun muu in a kithing tau a; tuikhangliante’n a hawt vêl un, tui thûk takte’n a awu a suau hi. Nisa’n a bân sâng tak in a jak hi;

HABAKKUK 3:6

A ding ah, lei a thing ah, a en ah, namte chu a kithing tau hi. Kumtuang tângte a kai chim in; kumtuang lampite ah chun kumtuang mual leh, tângte chu a niam tau hi.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.