JONAH 1:6 - PATHIAN LEKHABU THIANGTHO (BSI)

⁶ Longpu lian pen a hung ah, “Aw nang i-mut thûtpa, bang bawl la hem? Tho inla, la pathian ko in! I manthailo’na ding un pathian in ei ngaitua piak thei khâk leh,” a hung tia.

JONAH 1:6 ပူးပေါင်းရင်းမြစ်များ

2 SAMUEL 12:22

Ama chun, “Nausen kha a dam lai in anngawl ah pauchap him ka hi; Lalpa‘n ei hepi ah, nausen hi a hun damsak kit ziang thei khâk leh ka ti ahi.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

SAM 107:6

Ziaphatchun, a buainau ah kipat Lalpa a hun ko tau a, a lungjinnau ah kipat in a hukdok ta’n;

SAM 78:34

Amau lak ah khenkhat a tha phatin ama a hawl un; a kisik un, gunchu tak in Pathian a hawl ui.

ISAI 3:15

Migentheite la gawtnawi un, ka mipite la khet gawp uh chu, bang la ti’nau ahi em? Sepai honte Lalpa Pathian in a tii.

EZEKIEL 18:2

Israel gam chung thu ah, “Nu leh pate’n grep thûk a nêk uh leh a chateu ha a jai,” ti thuching kigen gen ziang hi bang ti’na a hem?

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

JONAH 3:8

Mihingte leh ganchate’n saidip puan sil uh hen la, aw ngai tak in Pathian ko chiat tau hen. Mitin in a thil phalo bawl uh haisan in, a khut ua thagum sua’na chu haisan chiat tau hen.

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

ROMTE 13:11

Tu’lai hun umdante hi la het ziak un, ipmu lai thawhal a hun tak zet tai, ti hia’i tiu; tu’hin chu I gin lim lai sâng ua khan I hukdamnau chu a naizaw tai;

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.