JONAH 1:16 - PATHIAN LEKHABU THIANGTHO (BSI)

¹⁶ Ziaphatchun, mite chun Lalpa a lau zaw diak tau a; tichun, Lalpa kiang in kithoina a lân ua, thutiamte a bawl tau hi.

JONAH 1:16 ပူးပေါင်းရင်းမြစ်များ

THILSIAM THU 28:20

Jakob in, “Pathian ka kiang in a um ah, zia ka chiana lampi hi ei vên ah, nêk ding vaithum leh sil ding puansil Lalpa’n ei piak ahi chun,

THILSIAM THU 8:20

Ziaphatchun, Noah chun Lalpa â dingin mâichâm a bawl ta’n; sa thiang zosia lak leh, vacha thiang zosia lak ah kipat a lakhawm ah, mâichâm ah chun hâlmang thillat in a lân tai.

2 LENGTE 5:17

Ziaphatchun, Naaman in, “Ahiloleh, la suak hi sakolneu pani puak khop lei tang ei puaksak in; la suak hin Lalpa tilo ngal pathian dang âng ah hâlmang thilpiak lân leh kithawi talo ding ka hi’ngal a.

JOB LEKHABU 37:24

Ziaziakchun, mite’n a lau ui; mi kipilsakte chu, bang ma’n a ngai puai.

SAM 107:22

Amau chun kipakna thil latte chu piau hen la, a thil bawlte chu kipakna La sa kawm in gen vêl tau hen.

SAM 116:14

A mite zosia âng ah chun, Lalpa kiang ah ka thutiamte mualsua ing ka.

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

THUGENTU 5:4

Pathian kiang ah thu la tiam phat leh, pitin ding chu uai âi kin; mingol ah chun kipakna a nei puai. La thutiam kha mualsua in.

ISAI 26:9

Jan phat leh ka hinna’n a hun thangai sek in, ka sung ah ka thagau hin gunchu tak in a hun hawl sek hi. Lei chung ah vai la hawm phat leh, khawvel ah chêngte hin felna chu zil ding ahi ngal un.

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

JONAH 1:10

Ziaphatchun, mite chu a lau zaw diak tau a; chuleh, a kiang in, “Bang thilbawl kha la hita le!” a tiu a. Lalpa ah kipat jam mang ahi ti a la hilsa ahiziak in, a la he ta’ngal un.

JONAH 1:14

Ziaphatchun, Lalpa kiang in a kikodok tau a: “Aw Lalpa, lungsiat tak in zia mipa ziak hin keihaw ei sumangthai lo ding in ka hun ni ui. Midik thisan maw ka chung un nga kin; aw Lalpa, nang in, la nawp dan dan in la bawl ngal a,” a tiu a.

MARKA 4:31

Ankam mu changkhat lei ah kithe’ gual ahi, lei ah thâichi zosia sâng in neupen maleh,

NASEPTE 5:11

Kochuamte haw zosia leh zia thu he zosiate chu launa’n a dim tau hi.

VAIHAWMTE 13:16

Lalpa vansawlchâk chun, um ta di mawng lengle la nêk bawl ding chu ne diak pua’ng ka; himaleh, hâlmang thillat la bawl nop leh vang, Lalpa kiang ah lân ziang in, a tia. (Manoah in ama chu Lalpa vansawlchâk ahi lam a he paw’ngâl a.)