JONAH 1:15 - PATHIAN LEKHABU THIANGTHO (BSI)

¹⁵ Tichun, Jonah chu a domdok ua, tuisuagiat ah chun a sep lut tau a; tichun, tuisuagiat phul but but chu a thip tai.

JONAH 1:15 ပူးပေါင်းရင်းမြစ်များ

2 SAMUEL 21:14

Saul gute leh a chapa Jonathan gute chu Benjamin gam ah Zela khua a pa Kish thân ah chun a vui tau a; lengpa thupiak zosia chu a bawl tau hi. Ziazaw chun, gam sung â ding ah dotnate chu Pathian in a ngaisak tai.

SAM 107:29

ama’n thigawpi a thipsak a, tuisuagiat kinawkte chule a daisak tai.

SAM 65:7

Tuisuagiat gi hum hum, tui kinawk gite leh mipi husa lul lul te, hi’thippa chu nang la hi.

SAM 89:9

Tui kinawk nasa takte chung in vai la hawm ah; a tui kinawk phat leh nang in la chawlsak sek hi.

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

MATTHAI 8:26

Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

LUKA 8:24

A kiang in a hung ua, a kaitho un: “Hotupa, hotupa, mangthai ding ka hitau hilam!” a tiu a. Ziaphat chun a hung tho ah, thigua leh tuifawn kisep vut vut chu a hun vau a; tichun, a hung chawl ua, a thip dîl dêl ziang tai.