JOHAN 9:8 - PATHIAN LEKHABU THIANGTHO (BSI)

⁸ A Invêngte, nidang ah a mitthûm lai ah la mute khan, “Zia pa hi khutdaw ah kichu sekpa kha hilo a hem?” a tiu a.

JOHAN 9:8 ပူးပေါင်းရင်းမြစ်များ

MARKA 10:46

Jeriko khua a hung tung tau a. Jesu chu Jeriko khua kipat a nungzuite tawh, mipi tam tak tawh a pawt daw lai un, Timai chapa Bartimai mitthûm chu lam pâm ah khutdaw in a la kichu.

LUKA 1:58

A Invêngte leh a chanaute zosia chun, a chung ah Lalpa‘n jangaina a latsak chu a het un, a kipakpi ma mau a.

LUKA 18:35

Jeriko khua a hung tun ding kuan un, mitthûm pakhat, khutdaw in lam pâm ah a la um a;

JOHAN 9:9

Mi khenkhat chun, “Ama kha ahi,” a tiu ah; khenkhatte chun, “Ahi puai, a kibatpi ahi,” a tiu ah; ama chun, “Zia pa ma kha ka hi,” a tia.

RUTH 1:19

Tichun, Beth-lehem a tun masang siau a paniu in a chia pek tau a. Beth-lehem a hung tun phat un, amaute ni ziak ah chun khua sung pumpi a kichok ziang ta’n; numeite chun, “Zia hi Naomi kha hilo a hem?” a tiu a.

1 SAMUEL 2:8

Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.

1 SAMUEL 21:11

Akhish suakte chun, “Zia hi gam khat ah lengpa David kha hilo a hia hem? Lâm kawm ah kidawngtua ah La a sak uh: ‘Saul in a sangtêl a that in, David in a sîngtêl a that hi,’ a tiu kha ama hi a tiu hilo a hem?” a la tiu a.