JOHAN 9:31 - PATHIAN LEKHABU THIANGTHO (BSI)

³¹ Pathian in migilo thu a ngai pua’n; ahi’n la, kua’nle Pathian a ho ah, a doigual a bawl chun a ngaithâk piak sek hi.

JOHAN 9:31 ပူးပေါင်းရင်းမြစ်များ

THILSIAM THU 19:29

Chun, Pathian in phâicham khawpite a hi’mangthai lai ah khan, Pathian in Abraham chu a hezing in; tichun, Lot chênna khawpite a hi’mangthai lai ah chun Lot chu sukmanthaina lak ah pat in a hukdok tai.

THILSIAM THU 20:7

Tu’hin, mi ji kha pia kit ta’n; a pawsal kha jawlnei ahi ngal in, hun pauchap piak intin, dam mai in la. La piak kit lo leh chu thi ngei ding la hi ti he’n, nang tawh, la nei zosia natiang in,” a ti tai.

JOB LEKHABU 35:12

Zia tak ah chun a kikodok un la a dawnhu puai, thil phalo bawlte kiletsakna ziakin.

JOB LEKHABU 35:13

Mawk pauchap mai maite chu, Pathian in dawnhu ngai pua’n a, Hat Chungnung Pathian chun a ngaisak ngai puai.

JOB LEKHABU 42:8

Ziaziakchun, tu’hin, bawngchal pasagi tawh belamchal pasagi, ka suak Job kiang ah hun kai unla, hâlmang thillat vakibawl un; chuleh, ka suak Job in hun pauchap piak intin, zia chu a la pom piak ing ka tin, la mawl dungzui un hun thuk pua’ng ka; ka suak Job gual in ka chung thu dik tak in la gen paw’ngâl ua,” ti in.

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

SAM 143:10

La doilam bawl dingin ei zilsak in, ka Pathian a la hi’ngal a. La thagau pha tak chun lamphei ah ei pui hen.

SAM 145:19

Ama laute lungtup chu a lawtin sek in; a kiko thawm uh hia’n a hukdok sek hi.

SAM 18:41

Panpitu ding a ko un, himaleh, a hukdok ding kuama a um puai; Lalpa a ko un, ahi’n, a dawnhu ta puai.

SAM 40:8

Aw ka Pathian, la doigual bawl hi, ka thatnop lam tak ahi’n; la dan chu ka thinlung in a châm zing hi,” ka ti’n.

SAM 99:6

A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

THUPILTE 15:29

Lalpa chu migilote ah kipat gamla tak in a um in; midikte pauchapna chu vang a ngaitha zing hi.

THUPILTE 21:13

Migentheite kâ thawm la kihiatlosak chun, nangma kâ le kuama’n ngaisak pua’n a.

THUPILTE 28:9

Dan le ngaisak talo mi chu, a pauchapna le ki’dak um ahi.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 58:9

Ziaphat chuleh, hun ko in la tin, tichun, Lalpa‘n hun dawnhu ta’n a. Panpi’na don in kiko in la tin, ziaphat chuleh, ama’n, “Zia hin ka um hi,” hun ti’n a. La lak ua kipat ngawngkol lâkmang ahi’phat leh, khutzung ah kikawktuana tawh, thu phalo genna le la lâkman ua,

JEREMIAH 11:11

Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

MIKAH 3:4

Ziaphat chuleh, Lalpa hun ko intiu in, ahi’n la, hun dawnhu ta pua’n a; ziaphat chuleh, nunsia tak ah a tawi ziak un, amau kisêl mangsan ta’n a.

ZEKARIAH 7:13

Amau ka ko lai ah ei ngaisak lo gual un, ke’nle ei hun ko phat uh leh ngaisak lo ding ka hi, sepai honte Lalpa chun a tii;

JOHAN 11:22

Himaleh, tu’hin le, la dot taphot chu Pathian in hun pia’n ah ti ka hia’i,” a la tia.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

JOHAN 9:30

Ziaphatchun, ama chun a kiang un, “Khoi ah kipat hung ahi la hetlo ua, ka mit ei hung sukvâk piak thei ziang hi ahi, a makna pen chu.

JOHAN 9:32

Khawvel kisiam lim ah kipat in, mi a pian ah kipat mitthûmte mit hi’vâk piak I hekha nai puau hi.

DAN LEKHABU 1:45

Lalpa kiang ah hung kile’kit in kap hial in don maleu chinle, Lalpa‘n la awu chu ngaisak pua’n tin, hun ngaisak diak ta pua’n a.

HEBRAITE 10:7

Ziaphatchun, keima’n, (Lekhabu mun khat ah ka chung thu zik ahi;) Aw Pathian, en in, la doigual hi’ding in ka hung hi, ka ti’n, ti’n a la gen a”.