JOHAN 9:24 - PATHIAN LEKHABU THIANGTHO (BSI)

²⁴ Ziaphatchun, mitthûmpa chu a ko kit ua, a kiang in, “Pathian chu pâk ta’n! Zia mipa kha vang migilo ahi ti ka hiau hi,” a tiu a.

JOHAN 9:24 ပူးပေါင်းရင်းမြစ်များ

EZRA 10:11

Tu’hin, la pu leh pateu Pathian, Lalpa kiang ah thupha chawi unla, a lung lam bawltau in; gam sung ah mite leh nam dang mi la jiteu lak ah kipat kikoi thiangtho tau in,” ti’n a gen a.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

MARKA 15:27

A kiang in gucha pani, a changlam ah pakhat, a veilam ah pakhat a khenden un.

LUKA 15:2

Pharisaite leh lekhazikte chun, “Zia pa hin migilote a lop in, a lak un an a ne sek hi,” ti’n a phun sau sau tau a.

LUKA 19:7

Zia a la mute zosia chun, “Migilo In ah tung ding in a lut tai,” ti’n a phun tau hi.

LUKA 7:39

Anne ding ah chialpa Pharisai chun a mu phât in a lungthim in, “Zia mipa hi jawlnei hileh vang, a hung khoi numei hi bang gual mi a hem ti leh migilo ahi dan tak hi he ding hi ve’n!” a tia.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.

JOHAN 18:30

Amau chun, “Zia mi hi thi tâk hiloleh chu, la kiang in hun pui lo ding ka hiu,” a tiu a.

JOHAN 19:6

Thiampu lalte leh hotute chun a la mu phât un, a hung kiko ua, “Kros ah khenden in! Kros ah khenden in!” a hun tiu a. Pilat chun a kiang un, “Pui unla, vakhenden tau in, keima’n vang a chung ah hin demna ding ka mu puai,” a tia.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

JOHAN 8:46

Migilo ka hi’na genchian thei la um awm? Thu tak gen ka hileh bangatia ei gingcha lo la hiu em?

JOHAN 8:49

Jesu’n a dawnhu a, “Thitha jawl ka hi pua, ka Pa chu ka chawihoi zaw ahi; himaleh, nang un lei suminsiau ahi.

JOHAN 9:16

Pharisai khenkhatte chun, “Sabbath ni le khawksa lo mihing hi, Pathian ah kipat ei puai,” a tiu a. Midang khenkhat chun, “Migilo in zia gual thilmak hi bangti’n bawl ding a hem?” a tiu ah; a lak un kikhenna a hung um tai.

JOHAN 9:25

Ama chun a kiang un, “Ama chu migilo ahileh hilo ka hepuai, thil pakhat ka hia’i, masang khan mitthûm ka hi’n, tu’hin vang ka muthei tai,” a tia.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.