JOHAN 8:44 - PATHIAN LEKHABU THIANGTHO (BSI)

⁴⁴ La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

JOHAN 8:44 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

1 LENGTE 22:22

Lalpa chun, ‘Bangti’n la zawl pûk diam?’ ti’n a dong ah. Ama chun, ‘Chiadok ing ka tin, a jawlneite zosia kam ah thagau lepchia vahi’ng ka,’ ti’n a dawnhu a. Lalpa chun, ‘Vazawl pûk in la tin, lawting ngei ding la hi; chia inla vabawl in,’ a tia.

1 KHANGTHU 21:1

Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

JOB LEKHABU 1:11

Himaleh, tu’hin la khut hun jak inla, a nei zosia hi vak khoi piak ma tiam in, la maichang in hun gensia mai ding ahi,” ti’n a dawnhu a.

MATTHAI 12:34

Nanghaw migilo gûl suante haw, bangti’n thu pha genthei ding la hiu em? Lungthim ah dimlêt chu kam in a gen sek ngal a.

MATTHAI 13:15

Zia mite lungchang hi a ngong zo ta’n, a bengteule a ngong zo tai, a mit uh a sîng un, achutiloleh, a mit un en in mu kha’n tiu in, a bil un he kha’n au; a lungthim un hethiam intiu in; hung kihei kik kha’n tiu in; amau a la hi’dam kha’ng ka, a ti kha.

MATTHAI 13:38

lou chu khawvel ahi; chiphate chu gam chate a hiu in; bulêmte chu migilo chate a hiu hi.

JOHAN 6:70

Jesu’n a dawnhu, “Nanghaw sawm leh nite hi keima hun têl hilo la hiu em? Ahi’n, la lak ua pakhat Diabol la hi zing ui,” a tia.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

JOHAN 8:38

Keima’n ka Pa ah kipat thu ka mute ka gen in; nang unle la Pau ah kipat thu la muteu la bawl sek uh ahi,” a tia.

JOHAN 8:41

La pau nasep chu la sêm uh ahi hilam,” a tia. Ziaphatchun, amau chun, “Keihaw hi jaucha mai mai ka hi puau in, pa pakhat ka nei ui, Pathian ngei chu,” a tiu a.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

NASEPTE 13:10

“Nang mi thêmpa leh jakda um zosia ah dimpa, nang diabol chapa, dikna lam zosia mêlmapa, Lalpa lampi diktakte suksiat hi haisan lo ding la hi maw?

NASEPTE 24:9

Judate chunle zia thu chu a dik hi ti’n a panpiu a.

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

2 KORINTH 11:3

Ahi’n la, gûl chun dawha thiam ah Evi a thep gual khan, Khrista ah takna leh thianthona ah kipat la lungthim uh susia kha’n au ti ka lauthawng hi.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

1 JOHAN 1:8

Gitlona ka nei puai ti taleu hin, eima leh eima kithêm I hi’n, thutak chu eimau ah a um puai.

1 JOHAN 2:21

Thutak la het lo ziak ua ka hun zik a hipua’n, la het ziak uh leh thutak ah chun juau a um puai ti la het ziak un ka hun zik ahi zawi.

1 JOHAN 2:4

A thupiakte zawm lo ah ama ka hia’i, tite chu mi juauthei a hi’n, thutak chule ama ah chun a um puai.

1 JOHAN 3:12

Kaina gual ah khan um puai tiu, ama chu gilopa ah kipan ahi ziakin, a suapipa a that tai. Bang ziak ah a tha a hem? Ama thilhi’te chu a pha pua’n, a suapipa thilhi’te kha a dik ziakin ahi.

1 JOHAN 3:15

A suapi hua taphot chu tualthat a hiu; tualthatte chun kumtuang hinna a nei puau hi ti le la hiau.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.

THUPUAN 9:11

Lei kawkhûk tawp nei lo vansawlchâk chu lal in a nei un; Hebrai pau in a min chu Abaddon; Grik pau in Apollion ahi.