JOHAN 8:36 - PATHIAN LEKHABU THIANGTHO (BSI)

³⁶ Tichun, chapa’n a hun zalensak chun, zalen tak tak hiding la hiu.

JOHAN 8:36 ပူးပေါင်းရင်းမြစ်များ

SAM 119:133

La thutiam dungzui in ka kalsuante hi siam det inla, phatlona ka chung ah thu nei sak him him kin.

SAM 119:32

La thupiak lampi del ing ka tin, ka hiatthiamna lei suklet piak ta’ngal a.

SAM 19:13

Gitlo thil ah hiamngam lo dingin, la suak hi ei chingtup zing inla; ka chung in thu neisak kin. Chutileh, pha bukim in um thei ing ka tin, thil lian tak bawlkhial lo in um thei ding ka hi.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

1 KORINTH 7:22

Suak hikawm ah Lalpa‘n a ko chu, Lalpa ah mi zalen a hizing tho a; mi a zalen lai ah Khrista suak hi ding ah ko ah a um gual chu ahi.

2 KORINTH 3:17

Lalpa chu zia Thagau chu ahi’n; Lalpa Thagau umna taphot in zalenna a um sek hi.

GALATIA 5:1

Suak hilo dingin Khrista chun ei thâdok tai; ziaziakchun, ding det unla, suak ngawngkol in tâng kit ta kiu in.