JOHAN 8:19 - PATHIAN LEKHABU THIANGTHO (BSI)

¹⁹ Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

JOHAN 8:19 ပူးပေါင်းရင်းမြစ်များ

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

JOHAN 1:10

Ama chu khawvel hin a um a, khawvel hi ama siam ahi; himaleh, khawvel in ama a la hepuai.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 7:28

Ziaphatchun, Jesu’n tempul ah mi a hil lai in, a hung kiko ah: “Nang un lei hiau in, ka hung kipatnale la hiau hi. Himaleh, keima thu hung ka hi puai. Ei sawlpa chu mi thu tak ahi’n, ama chu nang un la hepuau hi.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

KOLOSSA 1:15

Ama chu mu theilo Pathian mêlpu ahi’n, thilsiam zosia lak ah piang masa pen ahi.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

1 JOHAN 2:23

Kuale Chapa ging lo chun Pa chu a nei puai; Chapa ging taphot chun Pa le a nei hi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

2 JOHAN 1:9

Kuale Khrista thuhilna ah um zing lo ah, zia chu a belap chun, Pathian a nei puai; kuale zia thuhilna chu a umzing chun Pa leh Chapa a nei gêl gêl hi.