JOHAN 8:15 - PATHIAN LEKHABU THIANGTHO (BSI)

¹⁵ Nang hawn mihing dan bep in thu la tan sek un, keima’n vang kuama thu ka tan puai.

JOHAN 8:15 ပူးပေါင်းရင်းမြစ်များ

AMOS 5:7

Katei, vaihawmna dik gamsai suaksak a, diktatna lei tual ah paithate haw!

AMOS 6:12

Suangpi chung in sakol a tai ngai em? Bawngchal in lou a kai gual in kua’n tuisuagiat chung a kai ngai em? Himaleh, nang un vang vaihawmna dik chu gû la suaksak un, diktatna ga chu gamsai la suaksak sek ui.

HABAKKUK 1:4

Tichun, dan chu a tânjau in, vaihawmna dik a um puai. Migilo in mi diktatte a ûm vêl un, ziaziakchun, thudik chu bangmalo a suak tai.

LUKA 12:14

Ama chun a kiang in, “Lawm, la chung ua vaihawm ding leh thil hawm piak dingin kua’n ei guat ah a hem?” a tia.

JOHAN 12:47

Kua’nle ka thu a hetnung ah le ei taksan diak lo chun, a chung thu keima’n ka tan puai: khawvel vaihawm ding ah hung ka hipua’n, khawvel hukdam ding ah hung ka hizawi.

JOHAN 18:36

Jesu’n a dawnhu a, “Ka lenggam chu zia khawvel hi ahi puai. Ka lenggam chu zia khawvel hi hileh vang, ka sepaite’n hun do intiu in, zia Judate ei piak daw thei ding hin um pua’ng ka. Ka lenggam chu zia tak hi ahi puai,” a tia.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 7:24

A lat dan gual mai in vaihawm ki-un la, dik tak in vawihawm zawu in, a tia.

JOHAN 8:11

Ama nu chun, “Lalpa, kuama’n thiamlo ei chansak puau hi,” ti’n a dawnhu a. Jesu’n a kiang in, “Ke’nle thiamlo ka hun chansak diak puai, chia’n la, gilo kit ta kin,” a tia.

ROMTE 2:1

Ziaziakchun, Aw mihing, bang gual mi hiziang lechinle suanlam ding bangma la nei diak puai: Midang awimaw sek lechinle, nang in midang demsia zing sek in, nang inle zia tawhbang ma chun la bawl kit sek ngal a; ziaziakchun, nang in mi la demsiatna ma ma chun nangmale thiamlo la kichansak ahi.

1 KORINTH 2:15

Thagau mi chun bangkim a hekhen thei un, amau chu kuama’n a hechian thei puau hi.

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.

JAKOB 2:4

la lak ua doichuam nei ah, ngaituana phalo pu ah vaihawm hi talo ding la hiu em?

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.