JOHAN 7:39 - PATHIAN LEKHABU THIANGTHO (BSI)

³⁹ Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

JOHAN 7:39 ပူးပေါင်းရင်းမြစ်များ

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

THUPILTE 1:23

Ka hilna thu hi ngaisak un; ka lungthim la lak un hun gendok ing ka tin, ka thute chu hun hiatsak ing ka.

ISAI 12:3

Hukdamna tuikulte ah kipat chun, kipak tak in tui thâldok ta’n lau;

ISAI 32:15

chung lam ah kipat Thagau but khum I hung hi masangsiau, gamkeu gam chu gampha hung suak intin, gam phatna munte chu gammâng ah ngai hung hi’n a.

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

MATTHAI 16:14

Amau chun, khenkhat in Baptispa Johan ahi, a hun tiu a, khenkhat in, Elijah ahi a tiu hi; mi dangte chun, Jeremiah a hem, jawlnei kua a hem khat hi’n a, a hun tiu, a tiu a.

MATTHAI 21:11

Mipite chun, zia hi Galili gam ah Nazareth khua Jawlnei Jesu ahi, a tiu a.

LUKA 24:49

Ngai un, ka Pa tiamsa chu la chung un hun sawl ding ka hi; zia chung lam ah kipat thilhitheina ah thuam ah la um masang siau chu, Jerusalem khawpi hin um zing un,” a tia.

LUKA 3:16

Johan in a kiang un, “Kei hin vang tui in ka baptis sek hi; ahi’n, keima sâng ah lopi zaw hung ding ahi, a kengtawdap khau tham tâk le ka hi puai; ama chun Thagau Thiangtho leh mei in hun baptis ding ahi.

LUKA 7:16

Mi zosia chu a lau tau a; Pathian a chawihoi ua, “I lak un jawlnei lopi tak khat a hung pawt ah, Pathian in a mite a hung kantha ta ahi,” a tiu a.

JOHAN 1:21

Amau chun a kiang in, “Kua la hi em leh, Elijah la hi em?” ti’n a dong kit un. Himaleh, ama chun, “Ka hi puai,” a ti kit a. Aleh, “Jawlnei la hi em?” a ti kit un. Ama chun, “Hilo,” a ti kit ngen a.

JOHAN 1:25

Amau chun, “Messiah le hilo, Elijah le hilo, jawlnei le la hi diak lo leh, bang a tia mi baptis sek la hem?” ti’n a dong un.

JOHAN 1:33

Ama chu ka la he ziang pua’n; himaleh, tui ah baptis ding ah ei sawlpa chun ka kiang in, ‘A chung ah Thagau hung suk ah, a chung ah hung chû, umzing la muna pen pen chu, zia mi chu Thagau Thiangtho ah baptispa ding chu hiding ahi!’ a ti’sa kha ahi.

JOHAN 12:16

Zia thute chu a lim in a nungzuite’n a la hethiam puau ah; himaleh, Jesu chohoi ah a hung um phatin, a chung thu a la kizik ahi dan leh, ziaziak ah chu hung tung ahi dante le a hun hechian tau hi.

JOHAN 12:23

Jesu’n a la dawnhu ah, “Mihing Chapa hi chawihoi ah a um hun hung tung ding ei tai.

JOHAN 14:13

Keima min ah thil la dot tapo uh chu hi’piak ing ka; Pa chu Chapa ziak ah chawihoi ah a umtheina dingin.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 16:14

Keima ei chawisâng in a. Ama chun kei â zosia chu la’n tin, la kiang un hun taklang in a.

JOHAN 16:7

Abang chu hileh, thutak ka hun hil la hiu; ka chia mang ding hi nanghaw â dingin a phazaw ahi; kei chia mang lo leng Genpiakpa chu la kiang un hung lo ding ahi; himaleh, ka chia tak leh ama chu la kiang un hun sawl ding ka hi.

JOHAN 17:1

Jesu’n thu zia cheng chu a gen zaw in, van lam en in a dakdok ah, He Pa, a hun chu a hung tung tai; chapa’n nangma a hun chawihoi theina dingin, la Chapa hun chawihoi in;

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

JOHAN 20:22

Zia a gen zaw chun amau chu a hu a tha khum ah, “Thagau Thiangtho nei un.

JOHAN 6:14

A thilmak bawl chu a musak phatin, amau haw chun, “Jawlnei khawvel ah hung dingpa chu ama ngei hi a hita hi,” a ti tau hi.

JOHAN 7:12

Mipite lak ah mi tam tak chu ama chungchâng in a kinial sau sau tau a. A lak ua khenkhatte chun, ama chu mipha ahi, a tiu a; khenkhatte chun, ahi puai, ama hi mipite thêmchavai mai mai ahi, a tiu a.

JOHAN 8:54

Jesu’n, “Keima kilopisak hileng, ka kilopisakna chu bangma hipua’n a. Nang hawn, ‘Ka Pathian uh,’ la tiu, ka Pa chu ei chawisangpa ahi;

NASEPTE 19:2

a kiang un, “Gingtu la hung hi’tâk nung ua hin Thagau Thiangtho la chang tau em?” ti’n a dong a. Amau chun, “Thagau Thiangtho um lam lam le ka hepuau hi,” a tiu a.

NASEPTE 2:17

Pathian in, ni nunung lam leh, mizosia chung in ka Thagau buntha’ng ka tin; chutichun, la chapateu leh la chanuteu in thu gen intiu in; la tangvalteu in kilâknate mu’n tiu in, la têkseteu chun mang in mat in au.

NASEPTE 2:33

Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 2:4

A leng un Thagau Thiangtho in a hung dim tau a, Thagau in a pausak dungzui in pau dangte’n a hung pau tau ahi.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 4:31

A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

ROMTE 8:9

Nanghaw vang taksa um la hita puau in, Thagau ah um la hizaw tau hi; ziaziakchun, nangmau ah chun Pathian Thagau chu a chêng hi. Kua’nle Khrista Thagau a neilo chun ama mi ahi puai.

2 KORINTH 3:8

Thagau nasepna chu bang gual ah lopi in a tung diam?

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.