JOHAN 7:37 - PATHIAN LEKHABU THIANGTHO (BSI)

³⁷ Kût pel ding ni, nipi pen ni chun, Jesu chu ding in, a kiko ta’n: Dangchâk taphot chu ka kiang ah hung hen la,

JOHAN 7:37 ပူးပေါင်းရင်းမြစ်များ

NEHEMIAH 8:18

A ni masa pen ah kipat a tawp tiang ah, nisi’n in Pathian Dan Lekhabu chu a sim tau a. Kût chu ni sagi sung a bawl un; a ni giat tin ni chun dan dungzui in kikhopna thiangtho a bawl tau hi.

SAM 143:6

Ka khut nangma lam ah ka hun jak in, ka hinna gamkeu gual in, nangma ngâi in a dangchâk hi.

SAM 42:2

Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

SAM 63:1

Aw Pathian, nang chu ka Pathian la hi’n; hun hawl ing ka, ka hinna hi nangma thangai in a dangchâk a; tui umlo’na gamkeu leh dangkeuna mun ah hin, ka taksa hin a hun thangai tun tun ahi.

THUPILTE 1:20

Pilna chun gam thawng khop in, khawlai dung in tâng a sam in, kotzingte ah chunle aw ngai tak in a kiko hi.

THUPILTE 8:1

Pilna chu kiko in, hetthiamna chun a aw a sua pua a hem?

THUPILTE 8:17

Keima ei ngaina chu ke’n le ka ngaina, gunchu tak ah ei hawlte chun ei mu’n au.

THUPILTE 8:3

khawpi lûtna kêlkot bul leh, In lûtna kotbulte ah chun, ngai tak in a kiko tawl tawl a:

THUPILTE 9:3

A suak nungakte a sawldok a, khawpi mun sânna pen te ah kipat chun tâng a sam in:

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 12:3

Hukdamna tuikulte ah kipat chun, kipak tak in tui thâldok ta’n lau;

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 40:6

Aw khat chun, “Kikodok in,” a tia; “Bang gen ah kiko ding ka hem?” ti’n ka dawnhu a. Mi zosia hi hampa gual a hiu in, a lopinau chule gamlak pakcha gual bep ahi.

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 55:1

Dangchâk zosia tui tamna lam ah hin hung un; dangka neilote le hung unla, hung kichawk in dawn un! Hung unla, uain leh bawngnawi, dangka ngai lo in, a man bei in hung kichawk tau in.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 58:1

Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

EZEKIEL 47:9

Zia tui luanna taphot chun, tui ah ganhing zosia hing kit ta’n tin, sanga tam tak hung um kit ta’n a; zia tui luanna taphot ah tuisuagiat tui chu hi’thian hingal ta’n a; tichun, zia tui luanna taphot ah chun, bangkim hing kit ziang ding ahi ngal a.

THIAMPUTE LEKHABU 23:36

Ni sagi sung Lalpa â dingin mei ah thillat thiangtho lân in la tin uh, a ni giat ni chu nang uh â dingin ni thiangtho hiding ahi: khawmpi thiangtho hi’n ah; zia sung ah chun na la sep lo ding uh ahi,” a tia.

THIAMPUTE LEKHABU 23:39

Tha sagi’na, ni sawm panga ni ah thâigate la lakkhawm phat uh leh, Lalpa â dingin ni sagi Kût la mat ding uh ahi; a ni khat ni chu sabbath ni tawh kituak intin, a ni giat tin ni chule sabbath ni tawh a kituak kit ding ahi.

MIKAH 6:9

Lalpa’n khawpi chu a hun ko hen: (la min ki’châk chu pilna dik ahi;) Aw phung tin leh khawpi ah mipite haw, hiau in!

ZEKARIAH 9:15

Sepai honte Lalpa chun, amau humbit ta’n tin, amau in vaisuangse septe chu, tawden in val zo ngâl ding a hiu; a thisan uh belbu ah dim zu gual ah dawn in, mâichâm bul ah kileibua gual chu hi’n a.

KISIMNA LEKHABU 29:35

A ni giat ni leh khawmpi thiangtho bawl unla; la nisi’n nasep uh bangma la bawl lo ding uh ahi.

MATTHAI 11:28

Nanghaw sêmgim leh puakgik paw zosiate haw, ka kiang ah hung un, keima’n a la chawldam sak ing ka.

MATTHAI 3:3

Ama chu ahi, jawlnei Isai in: Gamthip ah mi kiko chun, “Lalpa lamlian siamtup unla, a lampite siamzang ta un, a tii,” ti ah a gen kha.

MATTHAI 5:6

Dikna ngai ah gilkial leh dangchâkte chu mi hampha a hiu; Tai leh niansak ah um ding ahi ngal un.

JOHAN 1:23

Ama chun, “Jawlnei Isai in: ‘Lalpa lampi chu siam zang un!’ tia a gen, gamthip ah kiko aw kha ka hi,” a tia.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

JOHAN 4:11

Numei chun a kiang in, “He pu, tui khaidawna ding bangma la nei pua’n, zia tuikul hi a thûk ngal a; khoi ah kipat a hem zia tuihing chu la nei?

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 5:40

Himaleh, hinna la neina ding un ka kiang in la hung nuam puau hi.

JOHAN 6:35

Jesu’n a kiang un, “Keima hi hinna vaithum chu ka hi, ka kiang ah hung tapo chu a gilkial ngai pua’n tin, ei ging tapo chu bangmatik in a dangchâk ngai ta pua’n a.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:55

ka taksa hi an tak tak chu ahi’n, ka thisan chule dawn dingtak tak chu ahi.

JOHAN 7:28

Ziaphatchun, Jesu’n tempul ah mi a hil lai in, a hung kiko ah: “Nang un lei hiau in, ka hung kipatnale la hiau hi. Himaleh, keima thu hung ka hi puai. Ei sawlpa chu mi thu tak ahi’n, ama chu nang un la hepuau hi.

1 KORINTH 10:21

Lalpa no leh thithate no ah dawn kop kiu in. Lalpa dawkan leh thithate dawkân ah nekop diak kiu in.

1 KORINTH 10:4

a leng un thagau lam in a kibang a dawn chiat ui. Amau zuitu thagau lam suangpi ah tui pawt kha a dawn khawm un; zia suangpi chu Khrista ahi.

1 KORINTH 11:25

Zia gual ma chun, jan an a nêk zawu in, no chu a la, “Zia no hi ka thisan ah thuthung thak chu ahi; zia hi la dawn si’n ua leh lei hetzingnau in hisek un,” a ti’n.

1 KORINTH 12:13

Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.