JOHAN 7:30 - PATHIAN LEKHABU THIANGTHO (BSI)

³⁰ Ziaphatchun, ama chu mat a guau ah; himaleh, a hun a tun nailo ziakin, kuama’n a chung in khut a tha puau hi.

JOHAN 7:30 ပူးပေါင်းရင်းမြစ်များ

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

ISAI 46:10

A tîl ah kipat in a tawp tiang ding ka tâklang ta’n, a hung tung nailote le tuan ah tâng ah kipat khan, ka la gen lang ta’n; “Ka thil guanggal chu guitung intin, ka lunggêl chu hung tungding ahi,” ka la ti ta’ngal a.

MATTHAI 12:14

Ziazaw chun, Pharisaite a pawt ua, ama a tha theina ding uh ngaitua in a kiho-khawm tau a.

MATTHAI 21:46

Ama chu a mat theina ding dan uh a hun ngaitua pan tau ah, ahi’n la, mipite’n jawlnei ah a het ziak un, mipite chu a lau kit ngal ui.

MARKA 11:18

Zia thu chu thiampu lalte leh lekhazikte chun a het phat un, ama tha theina ding a hawl tau a; mipite chun a thuhil dan chu lamdang a sak ziak un, amau chu a lau tangal un.

LUKA 20:19

Lekhazikte leh thiampu lalte chun zia tekhinthu chu amau kawk ah a gen ahi ti a het phat un, a chung ah khut thâk ngal a nuam tau a; himaleh, mipite chu a lau kit tau hi.

LUKA 22:53

Nisi’n ah tempul sung ah ka um sek lai khan la lei man puau a; himaleh, tu’hi nanghaw leh thim thilhitheina hun chu ahi,” a tia.

JOHAN 10:31

Ziaphatchun, Judate chun ama se ding gua’n suang a hun lau a.

JOHAN 10:39

Ziaziakchun, ama chu mat a hun guau a; himaleh, ama chu a khut ua kipat chun a suakcha kit tai.

JOHAN 11:57

Thiampu lalte leh Pharisaite chun, ama chu a mat theina ding un, Jesu umna he taphot in a hun hil diu ahi, ti’n thu a than tau a.

JOHAN 7:19

Mosi’n Dan hun pia hilo a hem? Aleh, kuama’n la jawm diak puau hi. Bangatia, keima ei thâ gua la hiu em? a tia.

JOHAN 7:32

Ama chungchâng ah chun mipi a phun ui ti Pharisaite’n a hun he tau a; tichun, Pharisaite leh thiampulalte chun ama man dingin miman hotute a sawl tau a.

JOHAN 7:6

Jesu’n a kiang un, “Ka hun a tung nai tadi puai, nangmau hun ahi leh a tung zing hi.

JOHAN 7:8

Zia Kût ah chun nang uh vachiau in. Kei chu zia Kût ah hin hung pua’ng ka, ka hun a tun nailo ziakin,” a tia.

JOHAN 8:20

Jesu’n, zia a thugente hi, tempul sum koina mun ah a thu zilsakna a gen ahi; a hunle a tun nailo ziakin, kuama’n a man ngam puau hi.

JOHAN 8:37

Nang haw hi Abraham suante la hiu ka henai; himaleh, ka thu hin nangmau ah mun a neilo ziakin, nang un tha lei guat uh ahi.

JOHAN 8:59

Ziaphatchun, suang ah se ding gua’n suang a luak tau a; himaleh, Jesu chu a kisêl ah, tempul ah kipat chun a pawtdok tai.

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.