JOHAN 7:28 - PATHIAN LEKHABU THIANGTHO (BSI)

²⁸ Ziaphatchun, Jesu’n tempul ah mi a hil lai in, a hung kiko ah: “Nang un lei hiau in, ka hung kipatnale la hiau hi. Himaleh, keima thu hung ka hi puai. Ei sawlpa chu mi thu tak ahi’n, ama chu nang un la hepuau hi.

JOHAN 7:28 ပူးပေါင်းရင်းမြစ်များ

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 2:23

Chun, khua pakhat Nazareth a tiu ah chun a chêng tai: “Ama chu Nazareth mi ti’n au,” ti ah jawlneite kam ah kigen kha a guitunna dingin.

MATTHAI 26:55

Zia hun ah chun Jesu’n mipite kiang in, chemjamte leh khetbûkte chawi in gucha man ding gual in la hung uh ahi maw? Tempul ah nisi’n in thuhil in ka um ah, lei man paw’ngal un.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

LUKA 2:39

Tichun, Lalpa dan dungzui ah a thillat ding zosiau a latzaw phat un, Galili lam ah Nazareth khua’n a chia kit tau a.

LUKA 2:4

Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.

LUKA 2:51

Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.

JOHAN 1:46

Nathanael chun, “Nazareth khua thilpha a pawt thei ah a hem?” a tia. Philip chun, “Hung inla, hung en in,” a tia.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

JOHAN 12:49

Keima phuakkawm in thu ka gen puai, Pa ei sawlpa’n ka gen ding leh ka hil ding thu chu ei pia zaw ahi.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 14:31

Himaleh, keima’n Pa chu ka hepi hi ti, khawvel in a hettheina ding un, Pa ei thupiakte gual gual in thil bangkim chu ka bawl zaw ding ahi. Kipan un, zia kipat hin pawtdok tai tiu, a tia.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

JOHAN 5:32

Midang pakhat ka chung thu hiatsak sek a um ah, zia pa chun keima chung thu a hiatsaknate chu a dik ngei ahi, tile ka hia’i.

JOHAN 5:43

Ka Pa min ah hung ka hi’n; himaleh, lei la lop puau hi; kua a hem khat, ama min ah hung leh vang a la lop ding la hiu a.

JOHAN 6:42

“Ama hi Joseph chapa, Jesu kiti kha hilo a hem, a nu leh pale I hiau hilo a hem? Bangatileh, ‘Van ah kipat hung suk ka hi,’ ti thei a hem?” a tiu a.

JOHAN 7:14

Kût a mat lûn lai tak un, Jesu chu tempul ah chia to in, thu a hil ta’n.

JOHAN 8:14

Jesu’n a dawnhu, a kiang un, “Keima leh keima kigen hiziang lengle, ka thugen hi a dik hi; khoi ah kipat hung ka hi ka kihia hen, khoi ah chia ding ka hile ka kihiai; nang un vang khoi ah kipat hung ka hi la gen thei puau in, ka chiana dingle la gen thei diak puau hi.

JOHAN 8:16

Keima’n thu tan tamawng lengle, ka thutan chu a dik hi, keima ngawn ka hipua’n, Pa ei sawlpa tawh um ka hizawi.

JOHAN 8:19

Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

JOHAN 8:26

La chungthuu ah hin gen ding leh demna ding tam tak ka nei nalai hi; himaleh, ei sawlpa chu midik tak ahi’n, ama ah kipat ka hiatte chu zia khawvel kiang ah hin ka gen zawk ahi,” a tia.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

JOHAN 9:29

Pathian in Mosi kiang in thu a gen hi ti ka hiau hi, ahi’n, zia pa hi khoi ah kipat hung a hem ka hepuau hi,” a tiu a.

NASEPTE 17:23

Khawpi sung ah ka vâk vêl vêl in, la ho leh biak danteu hi ka mu ta’n, mâichâm pakhat ah chun lekha kizik, “Hetlo Pathian Kiang Ah,” kiti ka mu hen. Zia hetlo ah la biak uh chanchin chu ahi ka hun hiatsak nop.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 3:4

Hinaisai lo e! Mi zosia zuauthei hi zawu hen la, Pathian chu dik hen; Pathian thu ah: “La thugen in nang thiam a hun chansak ah, vaihawmna la zaw theina dingin,” ti zik gual ah khan.

2 KORINTH 1:18

Himaleh, Pathian a ginum gual in, nangmau lam ah ka thuu chu, “Ahi,” ti tawh, “Ahi puai,” ti hilo ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;